પૂર્વ ધારાસભ્ય પબુભા માણેકને સુપ્રીમકોર્ટે મોટો ઝડકો આપ્યો છે. પબુભા આ રાજ્યસભાની ચૂંટણીમાં મતદાન નહીં કરી શકે તે ભાજપ તરફથી દ્વારકાથી 2017માં ચૂંટણી લડ્યા હતા. અને જીત્યા હતા પરંતુ તેમના ઉમેદવારી પત્રકમાં ભૂલ હતી આ વિશે હાઈકોર્ટ દ્વારા તેમનું ઉમેદવારી પત્રક રદ્દ ગણાતા તે ધારાસભ્ય નથી રહ્યા ત્યારે સુપ્રીમમાં પહોંચેલા આ મામલે સુપ્રીમે હાલ તો હાઈકોર્ટનો ઓર્ડર પર સ્ટે આપવાનો ઈનકાર કરી દીધો હતો.
પૂર્વ ધારાસભ્ય પબુભા માણેકને સુપ્રીમ કોર્ટમાંથી ઝટકો
ગુજરાત હાઈકોર્ટના નિર્ણય પર સ્ટે મુકવા પર SCનો ઈન્કાર
પબુભા માણેક રાજ્યસભાની ચૂંટણીમાં નહી કરી શકે મતદાન
વર્ષ 2017માં યોજાયેલી ગુજરાત વિધાનસભાની ચૂંટણીમાં ભાજપના ઉમેદવાર પબુભા માણેકે ભરેલા ઉમેદવારી પત્રમાં ભુલ હતી. આ અંગે કોંગ્રેસ ઉમેદવાર મેરામણ ગોરિયાએ હાઈકોર્ટમાં અરજી દાખલ કરી હતી. અને હાઈકોર્ટે ચુકાદો આપતા વિધાનસભાની 2017ની દ્વારકાની ચૂંટણી રદ કરી દીધી હતી. જેથી પબુભા માણેકે હાઈકોર્ટના ચુકાદાને સુપ્રીમમાં પડકાર્યો છે.
ઉલ્લેખનીય છે કે મેરામણભાઇ 2012 થી 2017 દરમ્યાન ખંભાળીયા વિધાનસભા ક્ષેત્રમાંથી પ્રતિનિધિત્વ કરી ચુક્યા છે, અને 2017 માં કોંગ્રેસ દ્વારા તેમને દ્વારકા બેઠક પરથી ટિકિટ અપાઈ હતી જેમાં તેમનો પરાજય થયો હતો. ભાજપના વિજેતા ઉમેદવાર પબુભા માણેકના ફોર્મમાં ભૂલ હોઈ મેરામણ ગોરીયા દ્વારા ગુજરાત હાઇકોર્ટમાં પિટિશન કરતા નિર્ણય લેવાયો છે. હવે દ્વારકા વિધાનસભા સીટ પર ફરી ચૂંટણી યોજાશે.
શું કહ્યુ હતુ હાઈકોર્ટે
2017ની વિધાનસભા ચૂંટણી સમયે પબુભા માણેકે નોમિનેશન ફોર્મમાં પોતાની વિધાનસભા સીટ દ્વારકાનો ઉલ્લેખ કરતાં જ ભૂલી ગયા હતા છતાં ચૂંટણી પંચે તેમનું ઉમેદવારી ફોર્મ માન્ય કર્યું હતું, બાદમાં વિધાનસભાના રિઝલ્ટને મેરામણભાઈ આહિરે પડકાર્યું હતું. ત્યારે પબુભા માણેકનું ઉમેદવારી ફોર્મ અયોગ્ય હોય વિધાનસભા ચૂંટણીના 2 વર્ષ બાદ હાઈકોર્ટે તેમની યોગ્યતાને અમાન્ય ગણાવી દીધી છે. ત્યારે ગુજરાતની દ્વારકા વિધાનસભા સીટ ખાલી થઈ છે. જો કે આ મામલે ચૂંટણી પંચે હજુ સુધી કોઈપણ પ્રકારની પ્રતિક્રિયા આપી નથી, ત્યારે દ્વારકા વિધાનસભા સીટ પર પેટા ચૂંટણી લોકસભા ચૂંટણી પૂર્ણ થયા પછી થાય તેવી શક્યતા છે.