હંમેશા બાહુબલીના અંદાજમાં ધમકી આપતા મધુ શ્રીવાસ્તવને તમે ઓળખતા જ હશો. વડોદરાના વાઘોડિયાના ધારાસભ્ય મધુ શ્રીવાસ્તવ બાહૂબલી નેતા છે. તેઓ થોડા દિવસો અગાઉ જ કોરોનાને મ્હાત આપી બહાર આવ્યા છે. પરંતુ વિવાદોનું બીજુ નામ બની ગયેલા આ નેતા ફરી વિવાદમાં આવ્યા છે.
ફરી વિવાદમાં આવ્યા વાઘોડિયાના ધારાસભ્ય
માસ્ક વગર ભજનમાં ઝૂમતા જોવા મળ્યા હતા મધુ શ્રીવાસ્તવ
ઘરના મંદિરમાં ન હોય માસ્કઃ મધુ શ્રીવાસ્તવ
થોડા દિવસ અગાઉ ધારાસભ્ય મધુ શ્રીવાસ્તવનો એક વીડિયો વાયરલ થયો હતો. જેમા તેઓ ભજન કિર્તન દરમિયાન ઝૂમી રહ્યા હતા. હનુમાન ભગવાનના મંદિરમાં મધુ શ્રીવાસ્તવનો ડાન્સ કરતો વીડિયો વાયરલ થયો હતો. જો કે ડાન્સ કરતા સમયે મધુ શ્રીવાસ્તવે માસ્ક નહતું પહેર્યું. તેમની આસપાસ પણ કેટલાક લોકોએ પણ માસ્ક નહોતું પહેર્યું. ત્યારે તેમના આ વાયરલ વીડિયો બાદ ચર્ચાએ જોર પકડ્યું હતું કે તેઓ બેદરકારી દાખવી રહ્યા છે અને કોવિડના નિયમોનું ઉલ્લંઘન કરી રહ્યા છે. ત્યારે હવે વગર માસ્કે ભજનમાં નૃત્યુ કરવાનો મામલે ફરી વિવાદીત નિવેદન આપ્યું છે.
મંદિરમાં કે ઘરમાં માસ્ક પહેરવાનો હિન્દુસ્તાનમાં કે દુનિયામાં કોઈ નિયમ નથીઃ મધુ શ્રીવાસ્તવ
મધુ શ્રીવાસ્તવે કહ્યું કે, ભગવાનની ભક્તિમાં માસ્ક પહેરવાનો કોઈ નિયમ નથી. ઘરના મંદિરમાં માસ્ક પહેરવાનો હિન્દુસ્તાનમાં કે દુનિયામાં નિયમ નથી. જો સરકાર કોઈ નિયમ બનાવે તો હું તેનો વિરોધી છું. સનાતન હિન્દુ ધર્મમાં કોઈ નિયમો થોપી ન શકે. મહત્વનું છે કે, મધુ શ્રીવાસ્તવ થોડા સમય પહેલા માસ્ક વગર ભજનમાં ઝૂમ્યા હતા.
કોરોના જેવું કાંઈ છે જ નહીં કોરોના માત્ર નામનો જ છેઃ મધુ શ્રીવાસ્તવ
આ અગાઉ પણ કોરોનાની સારવાર દરમિયાન મધુ શ્રીવાસ્તવે એક વીડિયો દ્વારા સંદેશ આપ્યો હતો. મધુ શ્રીવાસ્તવને કોરોના થતા હોસ્પિટલથી વીડિયો પોસ્ટ કર્યો હતો. વીડિયોમાં મધુ શ્રીવાસ્તવે કર્યો મોટો દાવો કર્યો હતો. તેમણે કહ્યું હતું કે કોરોના જેવું કંઈ છે જ નહીં, માત્ર નામનો કોરોના છે. હું બાહુબલી છું અને બાહુબલી રહેવાનો જ છું. કોરોના થયા બાદ હાલ મારી તબિયત સુધારા પર છે.