વડોદરામાં ભાજપના ધારાસભ્ય મધુ શ્રીવાસ્તવે રસી લીધા બાદ ધારાસભ્યએ અડધો કલાક સુધી સાઇકલ ચલાવી હતી
મધુ શ્રીવાસ્તવે મુકાવી કોરોનાની રસી
રસી લીધા બાદ સાઇકલ ચલાવી
સાઇકલ ચલાવતો વીડિયો વાયરલ
વાઘોડિયાના ધારાસભ્ય મધુ શ્રિવાસ્તવે કોરોનાની રસી મૂકાવી છે. રસી લીધા બાદ ધારાસભ્યએ અડધો કલાક સુધી સાઇકલ ચલાવી હતી. ધારાસભ્યનો સાયકલ ચલાવતો વીડિયો સોશિયલ મીડિયામાં વાયરલ પણ થયો હતો. રસી લીધા બાદ ધારાસભ્યએ રસી સુરક્ષિત છે તેવુ જણાવી લોકોને રસી લેવા માટે અપીલ કરી હતી.
રસી મૂકાવ્યા બાદ મધુ શ્રીવાસ્તવે ચલાવી સાયકલ
રસી લીધા બાદ મધુ શ્રીવાસ્તવે કહ્યું કે, લોકો વચ્ચે એવી અફવાઓ ફેલાય છે કે, રસી લીધા પછી ચક્કર કે અશક્તિ આવે છે. પરંતુ એવું કંઈ નથી. મેં પોતે રસી લીધા પછી સાઇકલ ચલાવી છે. PM મોદી દ્વારા મંજૂરી અપાયેલી રસી તમામ લોકોએ લેવી જોઈએ. તે પુરી રીતે સુરક્ષિત છે.
વેક્સિન મુદ્દે રૂપાણી સરકારનો મહત્વનો નિર્ણય
કોરોનાના વધતા સંક્રમણને લઈ મુખ્યમંત્રી વિજય રૂપાણી દ્વારા મોટો નિર્ણય કરાયો છે. સરકારના તમામ કર્મચારીઓને વેક્સિન આપવામાં આવશે. સરકારી કર્મચારીઓના વેક્સિનેશન માટે કોઇ વય મર્યાદા ધ્યાને લેવાશે નહીં. તમામ વયના સરકારી કર્મચારીઓને કોરોના વેક્સિન અપાશે. સરકારી કર્મચારીઓને ફ્રન્ટલાઇન વર્કર માની વેક્સિન અપાશે.
આજે CM કાર્યાલયના 70થી વધુ કર્મીઓને પણ અપાઇ છે વેક્સિન
ગાંધીનગર મુખ્યમંત્રી કાર્યાલયના કર્મચારીઓએ કોરોનાની રસીનો પ્રથમ ડોઝ આપવામાં આવ્યો છે. કોરોના સમયથી સતત કાર્યરત સચિવાલયનામાં કાર્યરત 70થી વધુ કર્મચારીઓને કોવિશિલ્ડ વેક્સિનનો પ્રથમ ડોઝ આપવામાં આવ્યો હતો. સચિવાલયના રસીકરણમાં કર્મચારીઓમાં વયમર્યાદા રાખવામાં આવી નથી.