પોરબંદરમાં ભૂપેન્દ્રસિંહ ચૂડાસમાના ખાસ ગણાતા રાજૂ ઓડેદરાએ મધુ શ્રીવાસ્તવને ફોન કરીને વિવાદનો મધપૂડો છેડ્યો હતો. જેમાં કાનના કિડા ખરી પડે તેવી ભાજપના આગેવાનોની ભાષાએ સૌ કોઈને વિચારતા કરી દીધા હતા એટલું જ નહીં પરંતુ ભગવાને પણ ભાંડવામાં આ નેતાઓ પાછા નહોતા પડ્યા આ મુદ્દે ફરિયાદ કરવામાં આવી છે.
MLAના વાયરલ ઓડિયોનો મામલો
અપશબ્દો બોલનાર સામે થઈ ફરિયાદ
રાજૂ ઓડોદરા સામે પોરબંદરમાં ફરિયાદ
ક્રાઈમ બ્રાંચમાં વિજય યાદવે કરી ફરિયાદ
ધારાસભ્ય મધુ શ્રીવાસ્તવની રાજૂ ઓડેદરા સાથેની અપશબ્દો બોલતી એક ઓડિયો ક્લિપ વાયરલ થઈ હતી. ત્યારે હવે આ મામલે રજૂ અને તેના મિત્ર સાગર પટેલ સામે ફરિયાદ થઈ છે. વિજય નામના વ્યક્તિએ પોરબંદર ક્રાઈમ બ્રાંચમાં બે લોકો સામે ફરિયાદ કરી. શુક્રવારે વિજય યાદવે રાજૂ ઓડેદરાને ફોન કર્યો હતો. ધારાસભ્ય સાથે વાત કરતા સમયે હિન્દુ સમાજની લાગણી દુભાઈ તે મામલે વિજય યાદવે ફોન કર્યો હતો. આ ફોન દરમિયાન રાજૂ ઓડેદરાએ વિજય યાદવને અપશબ્દો કહ્યા હતા.
ઓડિયો ક્લિપ ભાગ 2માં શું છે?
આ ઓડિયો ક્લિપમાં પીએમ મોદી અને અનેક નેતાઓના નામનો પણ ઉલ્લેખ કરાયો છે. ત્યારે હવે પોરબંદરના વિજય યાદવે ધાર્મિક લાગણી દુભાવવાની ફરિયાદ કરી છે.
ઓડિયો ક્લિપના પહેલા ભાગમાં મધુ શ્રીવાસ્તવ અને રાજૂ ઓડેદરાએ તમામ હદો વટાવીને ભાજપને મા-બહેન સમાણી ગાળો ભાંડી હતી એટલું જ નહીં પરંતુ એક બીજાને અને ભગવાનને પણ લપેટામાં લઈ લીધા હતા.