કર્ણાટક ભાજપના ધારાસભ્યએ પેટ્રોલ ડિઝલના વધતા ભાવને લઈ ચોંકવનારું નિવેદન આપ્યું છે. જેમા તેમણે એવું કહ્યું છે કે અફઘાનિસ્તાનમાં તાલિબાને કબ્જો કર્યો તેના કારણે પેટ્રોલ ડિઝલના ભાવ વધ્યા છે.
ભાજપના ધારાસભ્યએ આપ્યું ચોકાવનારું નિવેદન
તાલિબાનના કારણે પેટ્રોલના ભાવ વધ્યા: ધારાસભ્ય
તાલિબાને કબ્જો કર્યો ત્યારથી ભાવ વધી ગયા: ધારાસભ્ય
Karnataka | Since the beginning of the Taliban issue in Afghanistan, there have been problems regarding fuel supply across the world. This has led to an increase in the price of gas, diesel & petrol in India: BJP MLA from Hubli-Dharwad West Arvind Bellad (03.09) pic.twitter.com/KL5gLuGor6
પેટ્રોલ ડિઝલના વધતા ભાવને લઈને સામાન્ય માણસને હાલ ભારે હાંલાકી પડી રહી છે. ત્યારે આવા સમયે ભાજપના એક ધારાસભ્યએ એવું નિવેદન આપ્યું છે કે અફઘાનિસ્તાનમાં તાલિબાને કબ્જો કર્યો છે તેના કારણે પેટ્રોલ ડિઝલના ભાવ વધી રહ્યા છે.
કર્ણાટકના ધારાસભ્યએ આપ્યું મોટું નિવેદન
કર્ણાટક ભાજપના ધારાસભ્ય અરવિંદ બેલાડે એવું નિવેદન આપ્યું કે જે રીતે હાલ ભારતમાં પેટ્રોલ ડિઝલના ભાવ વધી રહ્યા છે. તેના પાછળ તાલિબાન જવાબદાર છે. સાથેજ તેમણે મીડિયા સમક્ષ એવું પણ કહ્યું કે જ્યારથી તેમણે સત્તા મેળવવા માટે લડવાનું શરૂ કર્યું ત્યારથી વિશ્વભરમાં ઈંઘણનો પણ અભાવ સર્જાયો છે.
પેટ્રોલના ભાવને કારણે સામાન્ય લોકો હેરાન
ભાજપ નેતા દ્વારા આવું નિવેદન એવા સમયે આપવામાં આવ્યું છે કે જ્યારે દેશમાં પેટ્રોલનો ભાવ 100 રૂપિયા સુધી પહોચી ગયો છે. વધત જતા પેટ્રોલના ભાવને લઈને વિપક્ષ દ્વારા પણ અવારનવાર મોદી સરકારને ટાર્ગેટ કરવામાં આવી રહી છે. જોકે આ વધતા ભાવ સૌથી વધારે તો સામાન્ય માણસોનેજ નડી રહ્યા છે.
દિલ્હીમાં 101 અને મુંબઈમાં 107ને પાર પેટ્રોલના ભાવ
ઉલ્લેખનીય છે કે દેશના મોટા ભાગના રાજ્યોમાં પેટ્રોલના ભાવ 100ને પાર પહોચી ચુક્યા છે. ગત જુલાઈ માસમાંજ પેટ્રોલનો ભાવ 100 પર પહોચી ગયો હતો. દિલ્હીમાં હાલ પેટ્રોલનો ભાવ 101 રૂપિયા કરતા વધારે છે. તો બીજી તરફ મુંબઈમાં પેટ્રોલનો ભાવ 107 રૂપિયા કરતા પણ વધારે છે.