ભાજપના નેતાઓ પ્રજાની સુખાકારી માટે કામ કરે છે કે પ્રજાને પરેશાન કરવા કામ કરે છે. તાજેતરમાં જ ભાજપના જ બે જુથો સરકારી હોસ્પિટલમાં આમને સામને આવી ગયા હતા. દર્દીઓ તો બીચારા સાઈડમાં રહ્યા પણ ભાજપના ધારાસભ્યોના ગૃપ આમને સામને આવતા સબસલામતનું રટણ કરતા ભાજપનો આતંરિક વિખવાદ ઉઘાડો પડી ગયો હતો.
હળવદ સરકારી હોસ્પિટલમાં ભાજપના બે જૂથ સામ-સામે
પરસોત્તમ સાબરિયા અને પૂર્વ મંત્રી જયંતિ કવાડિયાના ગ્રુપ વચ્ચે બબાલ
સાંસદ મહેન્દ્ર મુંજપરાની હાજરીમાં ઉગ્ર બોલાચાલી
મોરબીની હળવદ હોસ્પિટલમાં ભાજપના બે જૂથ સામ-સામે આવ્યા છે. ધારાસભ્ય પરસોત્તમ સાબરિયા અને પૂર્વ મંત્રી જયંતિ કવાડિયાના ગ્રુપ વચ્ચે બબાલ થઈ. સાંસદ મહેન્દ્ર મુંજપરા હોસ્પિટલની મુલાકાત લેવા માટે પહોંચ્યા હતા. સાંસદની હાજરીમાં બે જૂથ વચ્ચે હોસ્પિટલમાં ઉગ્ર બોલાચાલી થઈ હતી. હોસ્પિટલમાં ભાજપના કાર્યકરો વચ્ચે બોલાચાલી થતા દર્દીઓ પરેશાન થયા હતા.
મહત્વનું છે કે, હળવદમાં પક્ષપલટો કરીને ધારાસભ્ય બનેલા પરસોતમ સાબરીયા અને પૂર્વ ધારાસભ્ય જયંતિ કવાડિયાના જૂથ વચ્ચે વિવાદ જોવા મળે છે. ત્યારે આજે હળવદની સિવિલ હોસ્પિટલની મુલાકાતે આવેલા સાંસદ મહેન્દ્ર મૂંઝપરાની હાજરીમાં જ હાલના ધારાસભ્ય અને પૂર્વ ધારાસભ્ય આવતા બે જૂથ સામ-સામે આવ્યા હતા.
સળગતા સવાલ
નેતાઓ હોસ્પિટલમાં દર્દીઓને પરેશાન કરવા માટે પહોંચે છે?
આંતરિક વિવાદના કારણે દર્દીઓને કેમ પરેશાની?
દર્દીઓના ખબર અંતર પુછવા ગયા હતા કે, પરેશાન કરવા?
બે જૂથ સામ-સામે આવ્યા છતા સાંસદ કેમ ચૂપ રહ્યા?
બોલાચાલી થયા બાદ સાંસદે કેમ શાંત ન કરાવ્યા?
ભાજપમાં આયાતી નેતાનું બહુ ઉપજતું નથી?
આયાતી નેતા સાથે પારકા જેવો વ્યવહાર થાય છે?
જયંતિ કવાડિયા અને પરસોતમ સાબરિયાના જૂથ વચ્ચે શું બબાલ છે?