નરોડાના ધારાસભ્ય બલરામ થાવાણી દ્વારા મહિલાને માર મારવાનો મામલે પક્ષે નોટિસ ફટકારી છે. નોટિસ મળતા બલરામ થાવાણીની મુશ્કેલીમાં વધારો થયો છે. ભાજપ પ્રદેશ પ્રમુખ જીતુ વાઘાણીએ બલરામ પાસે ફોન પર ખુલાસો માંગ્યો છે. ભાજપે બલરામને શો કોઝ નોટિસ આપી છે. પાર્ટીએ બલરામને આઠ દિવસમાં ખુલાસો આપવા જણાવ્યું છે. જેમાં બલરામ સામે શા માટે શિસ્તભંગના પગલા ન ભરવા તેનું કારણ માગ્યું છે.
ધારાસભ્ય થાવાણીનો વીડિઓ વાયરલ મામલે નવો વળાંક
ધારાસભ્ય થાવાણીના વાયરલ વિડિયો મામલે નવો વળાંક આવ્યો છે. આ મામલે પોલીસ સ્ટેશનમાં કોઈ ફરિયાદ નોંધાઇ નથી. રાયોટિંગ અને મારામારીની ફરિયાદ નોંધાવાની વાતો ખોટી છે. ધારાસભ્ય અને પીડિત યુવતીના નિવેદને લઈને કેસનો અંત આવ્યો છે. પોલીસે ફરિયાદ નોંધી નહીં અને સમાધાન કરવાની રાહ જોઇ હતી. સમાધાન બાદ કેસનો નિકાલ કરાશે.
મારવાથી માફી સુધી શું થયું?
નરોડાના MLA બલરામ થાવાણીનો મહિલાને માર મારતો વીડિયો વાયરલ થયો હતો. ત્યારબાદ મહિલાએ અને થાવાણીને સામ-સામે ફરીયાદ કરી હતી. પોલીસે મહિલાનું નિવેદન નોંધ્યું પરંતુ તેની ફરિયાદી ન નોંધી. સામે તરફ પોલીસે MLAની ફરિયાદ નોંધી હતી. ત્યારબાદ મહિલા આયોગે આ ઘટના મામલે પોલીસ કમિશનર પાસે રિપોર્ટ માગ્યો હતો. સમગ્ર ઘટના મીડિયામા સામે આવતા જ રાજકારણ શરૂ થયું હતું. રાજકારણ ગરમાતા ભાજપે ધારાસભ્યને ખખડાવ્યા હતા. ધારાસભ્યને ખખડાવ્યા બાદ મહિલાની મીડિયા સમક્ષ માફી માગી હતી.
માર મારનાર મહિલા સાથે મુલાકાત કરી હતી. મહિલા સાથે મુલાકાત કર્યા બાદ તેમની પાસે રાખડી બંધાવી સમાધાન કર્યુ હતું. ત્યારે હવે ભાજપ દ્વારા તેમને શો કોઝ નોટિસ આપવામાં આવી છે. બીજી તરફ આ મામલે કોઇ ફરિયાદ ન નોંધાતા નવો વળાંક આવ્યો છે.