ભાજપના ધારાસભ્ય બલરામ થવાણી દ્વારા એન.સી.પી.ની મહિલાને માર મારવાનો મામલો વણસ્યો છે. પ્રાપ્ત વિગતો મુજબ પીડિત મહિલાનો આરોપ છે કે તે પાણીના પ્રશ્નોની રજૂઆત કરવા માટે ધારાસભ્ય થવાણી પાસે અન્ય મહિલાઓ સાથે ગયા હતા. ત્યારે મહિલાને ધારાસભ્ય ઓફિસની બહાર જ માર મારવામાં આવી. તો મહિલાને માર મારતા પીડિતાએ પોલીસ સ્ટેશનમાં પણ ફરિયાદ દાખલ કરી છે. જે બાદ પોલીસે મહિલાનું નિવેદન નોંધીને મેડિકલ ચેકઅપ માટે મહિલાને સિવિલ હોસ્પિટલ ખાતે ખસેડી છે. પોલીસ આ મામલે બંને પક્ષનું નિવેદન નોંધી અને યોગ્ય પુરાવા એકત્ર કર્યા બાદ કાર્યવાહી હાથ ધરશે. આ મામલાની સંપૂર્ણ તપાસ ઝોન ચારના ડીસીપીના સુપરવિઝન હેઠળ હાથ ધરાશે. ઉપરાંત પોલીસે વાયરલ થયેલા વીડિયો અને અન્ય વીડિયો એકત્ર કરવા માટે કામગીરી હાથ ધરી છે.