ગુજરાતમાં મહાનગરપાલિકાની ચૂંટણી પૂર્ણ થઈ ગઈ છે પણ નગરપાલિકા, તાલુકા પંચાયત અને જિલ્લા પંચાયતની ચૂંટણી બાકી છે ત્યારે ભાજપના ધારાસભ્યે બફાટ કરી દીધો છે.
વાગરાના MLA અરૂણસિંહ રાણાનો બફાટ
પૈસા આપી તા.પંચાયત જીત્યાની કબૂલાત
'પૈસા આપી તાલુકા પંચાયત બનાવી હતી
ભરૂચના વાગરાના MLA અરૂણસિંહ રાણાનો બફાટ સામે આવ્યો છે. MLA અરૂણસિંહ રાણાએ કબૂલ કર્યુ હતુ કે, પૈસા આપી તાલુકા પંચાયત જીત્યાની છે. તોડજોડ કરી, પૈસા આપી તાલુકા પંચાયત બનાવી હતી. આ નિવેદન MLA અરૂણસિંહ રાણા વાગરાના કડોદરા ખાતેની મિટિંગમાં આપ્યું હતુ. અરૂણસિંહ રાણા ભરૂચ ડિસ્ટ્રિક્ટ બેન્કના ચેરમેન પણ છે .
શુ કર્યો બફાટ?
MLA અરૂણસિંહ રાણાએ કહ્યું હતુ કે, તાલુકા પંચાયતની ચૂંટણીમાં આપણે એક મત ઘટતો હતો. મત ઘટતો હતો ત્યારે આપણે અઢી વર્ષ વનવાસ ભોગવેલ અને હું ધારાસભ્ય તરીકે દરેક કામમાં ઝઝુમતો હતો. પછી આપણે અઢી વર્ષ પૂર્ણ થયા એટલે તોડજોડ કરીને અને પૈસા આપીને તાલુકા પંચાયત ભાજપની બનાવી. મિત્રો આપણા માટે આવું ના બને એના માટે હું તમારી સમક્ષ આવ્યો છું.