ભારતીય જનતા પાર્ટીના ધારાસભ્ય આકાશ વિજયવર્ગીયની મધ્યપ્રદેશ પોલીસે ધરપકડ કરી છે. ઇન્દોર નગર નિગમ અધિકારીની બેટ વડે માર મારવાનો એક વીડિયો સામે આવ્યા બાદ આકાશ વિજયવર્ગીય વિરુદ્ધ એફઆઇઆર નોંધવામાં આવી હતી. હવે પોલીસે કાર્યવાહી કરતા આકાશ વિજયવર્ગીયની ધરપકડ કરી છે. આકાશ વિરુદ્ધ આઇપીસીની ધારા 353, 294, 506, 147, 148, હેઠળ ફરિયાદ નોંધવામાં આવી છે. આકાશ સાથે અન્ય 10 લોકોની પણ પોલીસે ધરપકડ કરી છે.
આકાશ વિજયવર્ગીય ભારતીય જનતા પાર્ટી (બીજેપી)ના મહાસચિવ અને દિગ્ગજ નેતા કૈલાશ વિજયવર્ગીયના પુત્ર છે. આ મામલે આકાશ વિજયવર્ગીયનું કહેવું છે કે તે આ પ્રકારના ભ્રષ્ટાચાર અને ગુંડાતત્વને દૂર કરશે. એમણે કહ્યું કે, 'આવેદન, નિવેદન અને પછી દના દન' હેઠળ અમે કાર્યવાહી કરીશું.
આપને જણાવીએ કે, ભાજપનાં નેતા કૈલાશ વિજયવર્ગીય (BJP MLA Akash Vijayvargiya) નાં દીકરાની ગુંડાગર્દીનો એક વીડિયો સામે આવ્યો હતો. જેમાં ઈન્દોરમાં નિગમ અધિકારીઓ સાથે મારામારી કરતા દેખાતા હતા. આકાશ વર્ગીયએ અધિકારીએને માર માર્યો. વીડિયોમાં આકાશવર્ગીય અધિકારીઓ સાથે ગુંડાગીરી ભર્યું વર્તન કરતા અધિકારીઓને બેટથી માર મારતા જોવા મળી રહ્યાં હતા.
#WATCH BJP MLA Akash Vijayvargiya (son of senior BJP leader Kailash Vijayvargiya) being taken to court, after he was arrested for thrashing a Municipal Corporation employee in #Indore. #MadhyaPradeshpic.twitter.com/RxWsHGDPrN
હકીકતમાં, ક્ષેત્રમાં ભારે વરસાદની ચેતવણી આપવામાં આવી. એવામાં જે પણ જર્જર મકાન હતા અને ખૂબ જૂના ઘર હતા તેને સરકાર દ્વારા ખાલી કરાવવામાં આવી રહ્યા હતા. જેથી કોઇ પણ પ્રકારની ઘટના ના ઘટે. આપને જણાવી દઇએ કે આ પહેલાં પણ આકાશ વિજયવર્ગીય પોતાનાં વિવાદિત નિવેદનોને લઇને ચર્ચામાં રહી ચૂક્યાં છે. લોકસભા ચૂંટણી દરમ્યાન તેઓએ કોંગ્રેસ અધ્યક્ષ રાહુલ ગાંધી વિરૂદ્ધ આપત્તિજનક શબ્દોનો ઉપયોગ કર્યો હતો. ત્યારે તેઓએ કહ્યું હતું કે, રાહુલ ગાંધી પહેલા તો પપ્પુ હતાં, પરંતુ હવે ગધેડાઓનાં સરતાજ બની ગયા છે. તે સમયે પણ તેમની ટિપ્પણી પર ખૂબ બબાલ થઇ હતી.
આકાશ વિજયવર્ગીય, ઇન્દોર-3 વિધાનસભા સીટથી ધારાસભ્ય છે. મધ્યપ્રદેશ વિધાનસભા ચૂંટણી દરમ્યાન તેમની ટિકિટને લઇને પણ ખૂબ વિવાદ થયો હતો. કૈલાશ વિજયવર્ગીય હવે રાષ્ટ્રીય રાજનીતિમાં મોટી ભૂમિકા નિભાવી રહેલ છે અને પશ્ચિમ બંગાળનાં પ્રભારી છે.