વડોદરા / શ્રાવણિયો જુગાર રમતા ગુજરાત ભાજપના આ નેતા ઝડપાતા ખળભળાટ, પોલીસે કરી મોટી કાર્યવાહી

• ભાજપના મંત્રી જુગાર રમતા ઝડપાયા 
• પોલીસે મંત્રી સહિત 11 લોકોની કરી અટકાયત 
• સ્થળ પર 70 હજારનો મુદ્દામાલ પોલીસે કર્યો કબ્જે 

વડોદરા ભાજપના યુવા મોરચાના આગેવાનો જુગાર રમતા ઝડપાયા છે. જેના કારણે હાલ પાર્ટીમાં ખળભળાટ મચી ઉઠ્યો છે. પોલીસે તેમને રંગે હાથ જુગાર રમતા ઝડપી પાડ્યા હોવાની માહિતી સામે આવી છે. સમગ્ર મામલે પોલીસે ગુનો નોંધીને કાયદેસરની કાર્યવાહી આરંભી છે. સાથેજ જુગાર રમતા લોકોની અટકાયત પણ કરી છે. 

મંત્રી રૂસાંત શાહ જુગાર રમતા ઝડપાયા 

ભાજપના યુવા મોરચાના મંત્રી રૂસાંત શાહ જુગાર રમતા ઝડપાયા છે. જેના કારણે પાર્ટીમાં હડકંપ મચી ઉઠ્યો છે. પોલીસને બાતમી મળી હતી જે બાતમીને આધારે પોલીસે રેડ કરી ત્યારે સ્થળ પર પોલીસને રંગે હાથ લોકો જુગાર રમતા મળી આવ્યા 

બાતમીને આધારે પોલીસે રેડ કરી 

શહેરના અમિતનગર વિસ્તારમાં આવેલ વામા ડુપ્લેક્ષમાં આ જુગારધામ ચાલી રહ્યું હતું, જે મામલે પોલીસને બાતમી મળી હતી. જે બાતમીને આધારે પોલીસે સ્થળ પર રેડ કરી ત્યારે 11 લોકો રંગેહાથ જુગાર રમતા ઝડપાયા. જેથી પોલીસે તે દરેકની અટકાયત કરી સાથેજ પોલીસે કુલ 70 હજારનો મુદ્દામાલ કબ્જે કર્યો છે. 

કુલ 70 હજારનો મુદ્દામાલ પોલીસે કર્યો જપ્ત 

ઉલ્લેખનીય છે કે જે 11 લોકોની પોલીસે ધરપકડ કરી છે તે દરેક લોકો રંગેહાથ જુગાર રમતા ઝડપાયા જેમા ભાજપ યુવા મોરચાના મંત્રી રૂસાંત શાહ પણ શામેલ છે. પોલીસે તે દરેકની અટકાયત કરીને કાયદેસરની કાર્યવાહી હાથ ધરી છે. સાથેજ સ્થળ પરથી પોલીસે કુલ 70 હજારનો મુદ્દામાલ પણ જપ્ત કર્યો છે.