વિવાદ / ભાજપના નેતાઓને અધિકારીઓ કેમ ગાંઠતા નથી? AMCમાં મેયર બીજલ પટલે શું કહે છે?

• વિપક્ષના આવેદનને ડેપ્યુટી કમિશનરે ન સ્વીકારતા હોબાળો
• બેનર અને સૂત્રોચ્ચાર સાથે વિપક્ષે તપાસની કરી હતી માગ
• વિપક્ષે મેયર બિજલ પટેલને આવેદન સ્વીકારવાની કરી હતી માગ
• બિજલ પટેલે અનેક વખત DyMcને કહ્યા બાદ પણ ન સ્વીકારાયું આવેદનપત્ર

AMCના ડેપ્યુટી કમિશનર આર્જવ શાહ દ્વારા કોંગ્રેસના સભ્યોનો આવેદન પત્ર ન સ્વીકારવામાં આવતા વિવાદ થયો છે. ત્યારે હવે આ મામલે મેયર બિજલ પટેલે પ્રતિક્રિયા આપી છે કે, મેયર અને કમિશનર વચ્ચે ક્યારે પણ વર્સીસ હોતુ નથી.  બન્ને વચ્ચે માત્ર સ્પોર્ટસ દિવસે ક્રિકટ મેચમાંજ વર્સીસ હોય છે.

શું કહે છે મેયર?
કોંગ્રેસના સભ્યો રજૂઆત કરવા પહોંચ્યા હતા. કમિશનર અન્ય મિટિંગમાં હાજર ન હોવાથી ડેપ્યુટી કમિશનરને આવેદન સ્વીકારવા માટે સૂચના આપી હતી. અનેક વખત સૂચના આપ્યા બાદ પણ ડેપ્યુટી કમિશનરે આવેદન પત્ર સ્વીકાર્યુ ન હતું. આ મામલે નારાજગી પણ દર્શાવી છે. આ મામલે મોવડી મંડળ સાથે ચર્ચા કરીને જરૂર લાગશે તો તેમની સામે પગલા લેવાશે.

શું હતી બબાલ?
મહત્વનું છે કે, ઢોરવાડામાંથી 96 ઢોર ગુમ થવા મામલે કોંગ્રેસના સભ્યો રજૂઆત કરવા માટે પહોંચ્યા હતા. AMC કમિશનર ન હોવાથી સભ્યોએ ડેપ્યુટી કમિશનરને રજૂઆત કરી હતી. જોકે આ મામલે આર્જવ શાહે આવેદન પત્ર સ્વીકાર્યુ ન હતુ. આ મામલે વિપક્ષના સભ્યોએ મેયરને રજૂઆત કરી હતી. મેયરે ડેપ્યુટી કમિશનરને અનેક વખત સૂચના આપ્યા બાદ પણ આર્જવ શાહે આવેદન સ્વીકાર્યું ન હતુ.

સળગતા સવાલ

• અધિકારીઓ કેમ નેતાઓની વાતને અવગણે છે?
• પ્રજાના હિત માટે કામ કરવામાં કેમ રસ નથી?
• વિપક્ષના નેતાઓની રજૂઆત કેમ સંભળાતી નથી?
• આ પ્રકારના અધિકારીઓ સામે કાર્યવાહી કેમ નહી?
• DyMCએ કેમ આવેદન પત્ર સ્વીકાર્યુ ન હતુ?
• મેયરની વાતને પણ DyMCએ કેમ ન માની?
• મેયરની વાત ન સાંભળનારા પ્રજાની વાત સાંભળે છે?