ભાજપ પ્રદેશ પ્રમુખ સી.આર.પાટીલે કહ્યું કે, આ વખતની વિધાનસભા ચૂંટણીમાં જીત ઘણી રીતે મહત્વની, કેમ કે આ જીતમાં ત્રણ રેકોર્ડ બન્યા
ગુજરાત વિધાનસભા ચૂંટણીમાં ભાજપની પ્રચંડ જીતે ઇતિહાસ સર્જી દીધો
ભાજપે પોતાના જ જૂન રેકોર્ડ તોડી નવા રેકોર્ડ તેમના નામે કર્યા
ભાજપે સૌથી વધુ બેઠકો જીતી, સૌથી વધુ વોટ શેર અને સૌથી વધુ માર્જિનથી જીતેલા ઉમેદવારો ભાજપના
ગુજરાત વિધાનસભા ચૂંટણીમાં ભાજપની પ્રચંડ જીતે ઇતિહાસ સર્જી દીધો છે. તો વળી આ જીતની સાથે ભાજપે પોતાના જ જૂન રેકોર્ડ તોડી નવા રેકોર્ડ તેમના નામે કર્યા છે. ગુજરાત ભાજપના પ્રદેશ પ્રમુખ સી.આર.પાટીલનું કહેવું છે કે આ વખતની વિધાનસભા ચૂંટણીમાં જીત ઘણી રીતે મહત્વની છે. આમાં ત્રણ રેકોર્ડ બન્યા છે. પ્રથમ ભાજપે સૌથી વધુ બેઠકો જીતી અને તેને સૌથી વધુ વોટ શેર પણ મળ્યો. આ સાથે સૌથી વધુ માર્જિનથી જીતેલા ઉમેદવારો પણ ભાજપના છે.
ભાજપ પ્રદેશ અધ્યક્ષે કહ્યું કે, ગુજરાતની જનતાએ પીએમ નરેન્દ્ર મોદીમાં ઊંડો વિશ્વાસ વ્યક્ત કર્યો છે. પાર્ટીને મળેલી જંગી જીત પીએમ મોદીની પ્રભાવશાળી છબીનું પરિણામ છે. તેમણે કહ્યું કે, આપણે બધાએ લોકોના વિશ્વાસ પર ખરા ઉતરવાનું છે. ભાજપને રેકોર્ડ મતોથી જીતાડીને લોકોએ સ્પષ્ટ કરી દીધું છે કે તેઓ અન્ય કોઈ પક્ષ પર વિશ્વાસ કરતા નથી. પરંતુ ભાજપના કાર્યકરોએ મેદાનમાં જઈને લોકોના હિત માટે કામ કરવું પડશે. તેમણે લોકોની સમસ્યાઓને સમજીને તેના ઉકેલ માટે કામ કરવું પડશે.
ભાજપના કયા ત્રણ રેકોર્ડ ?
ભાજપે સૌથી વધુ બેઠકો જીતી
ભાજપને સૌથી વધુ વોટ શેર પણ મળ્યો
સૌથી વધુ માર્જિનથી જીતેલા ઉમેદવારો ભાજપના
આ સાથે તેમણે કહ્યું કે, આજે ગુજરાતની જનતાએ બતાવી દીધું છે કે, તેમનો વિશ્વાસ માત્ર ભાજપમાં છે. પાટીલના કહેવા પ્રમાણે વિરોધપક્ષનો ખાત્મો બતાવે છે કે, જનતા હવે તેમની વાત સાંભળવાની નથી. ઓછામાં ઓછા ગુજરાતમાં તેમના માટે કોઈ સ્થાન બાકી નથી. પાટીલે કહ્યું કે, નવી સરકાર 12 ડિસેમ્બરે ગાંધીનગર મેદાનમાં શપથ લેશે. શપથ ગ્રહણ સમારોહમાં પીએમ મોદી પોતે હાજરી આપશે. પાટીલે લોકોને સરકારના શપથ સમારોહ કાર્યક્રમમાં મોટી સંખ્યામાં ભાગ લેવા અપીલ કરી હતી. તેમણે કહ્યું કે, અમારી સરકાર જનતા માટે છે અને જ્યારે શપથ સમારોહ માટે જનતા આવશે ત્યારે અમારું મનોબળ વધુ વધશે.