રાષ્ટ્રીય સ્વયંસેવક સંઘ (RSS)ના ગઢ નાગપુરમાં બીજેપીને મોટો ઝટકો લાગ્યો છે. બુધવારે નાગપુર જિલ્લા કાઉન્સિલની ચૂંટણીમાં બીજેપીને હારનો સામનો કરવો પડ્યો છે. બીજેપી નેતા નિતિન ગડકરીના ગામ ધપેવાડામાં પણ હારી ગઇ છે. નાગપુર જિલ્લા કાઉન્સિલ ચૂંટણીમાં કોંગ્રેસ 30 બેઠકોની સાથે સૌથી મોટી પાર્ટી બનીને ઉભરી છે. જ્યારે બીજેપીને 15 બેઠકો હાંસલ થઇ છે.
નાગપુર જિલ્લા કાઉન્સિલની ચૂંટણીમાં બીજેપીને હારનો સામનો કરવો પડ્યો છે
બીજેપી નેતા નિતિન ગડકરીના ગામ ધપેવાડામાં પણ હારી ગઇ
નાગપુર જિલ્લા કાઉન્સિલ ચૂંટણીમાં કોંગ્રેસ 30 બેઠકોની સાથે સૌથી મોટી પાર્ટી બની
જ્યારે ગડકરીના ગામની ધપેવાડા બેઠક કોંગ્રેસ ઉમેદવાર મહેન્દ્ર ડોંગરેએ જીતી છે. તેઓએ બીજેપી ઉમેદવાર મારુતિ સોમકુવરને હરાવ્યા છે. ડોંગ્રરેને 9444 વોટ મળ્યા. જ્યારે સોમકુવરને 5501 વોટોથી સંતુષ્ટ થવું પડ્યું. જિલ્લા કાઉન્સિલ ધપેવાડા સર્કિલ (બેઠક) ત્રણ વાર બીજેપીની પાસે જ હતી. નાગપુર જિલ્લા કાઉન્સિલમાં 58 બેઠકો છે. જ્યાં મંગળવારે ચૂંટણી યોજાઇ હતી અને બુધવારે પરિણામોની જાહેરાત કરવામાં આવી.
Maharashtra: Bharatiya Janata Party loses Zila Parishad elections in Nagpur. BJP faces defeat in Union Minister Nitin Gadkari's home village Dhapewada. Congress emerges as single largest party with 31 seats.
મહારાષ્ટ્ર વિધાનસભા ચૂંટણીમાં બીજેપી સૌથી મોટી પાર્ટી બનીને ઉભરી હતી. પરંતુ શિવસેના સાથે મતભેદને કારણે ફડણવીસ સરકાર બની ન શકી. વિધાનસભા ચૂંટણી બાદ બીજેપી માટે આ એક વધુ મોટો ઝટકો છે. બીજેપીની હાર બાદ કોંગ્રેસે હુમલો બોલ્યો છે.
Nagpur district having RSS HQs has overwhelmingly voted for Congress party in ZP elections and has unequivocally rejected the BJP. The mood of the nation is certainly changing for the better.
કોંગ્રેસ પાર્ટીના મહાસચિવ મુકુલ વાસનિકે ટ્વિટ કરી લખ્યું કે નાગપુર જિલ્લામાં આરએસએસનું મુખ્યાલય છે અને અહીં જિલ્લા કાઉન્સિલ ચૂંટણીમાં કોંગ્રેસને જીત મળી છે. કોંગ્રેસ નેતા મુજબ, લોકોએ બીજેપીને નકારી દીધી છે.