તૈયારી / સ્થાનિક સ્વરાજ્યની ચૂંટણીને લઇને CR પાટીલ વડોદરાની મુલાકાતેઃ ઉમેદવારોની પસંદગી માટે કવાયત શરુ

• ભાજપ પ્રદેશ પ્રમુખ સી.આર.પાટીલ 2 દિવસ વડોદરામાં રોકાશે 
• સ્થાનિક સ્વરાજ્યની ચૂંટણીને લઇને સંગઠનના હોદ્દેદારો, સાંસદ સાથે બેઠક યોજશે 
• ધારાસભ્યો, સામાજિક, ઉદ્યોગ જગતના આગેવાનો સાથે બેઠક કરશે  

ભાજપના પ્રદેશ પ્રમુખ સી. આર. પાટીલ આજથી બે દિવસ વડોદરામાં રોકાશે. પાટીલ વડોદરા ખાતે સ્થાનિક સ્વરાજની ચૂંટણીને લઇને સંગઠનના હોદ્દેદારો, સાંસદો સાથે બેઠક  કરશે.  સી. આર. પાટીલ સુરતથી શતાબ્દી એકસપ્રેસ દ્વારા વડોદરા આવશે. 
 

સી. આર. પાટીલની વડોદારની મુલાકાતને લઇને શહેર ભાજપમાં ગરમાવો જોવા મળી રહ્યો છે. સ્થાનિક સ્વરાજ્યની ચૂંટણીને લઇને ઉમેદવારો પસંદગી પર મહોર વાગે તેને લઇને કવાયત કરી રહ્યાં છે. જો કે આજે સાંજે યુવા ભાજપ દ્વારા પ્રદેશ પ્રમુખ સી. આર. પાટીલની રક્તતુલા કરવામાં આવશે. 

વડોદરા મહાનગરપાલિકાની ચૂંટણી માટે ભાજપ-કોંગ્રેસની તૈયારીઓ પૂરજોશમાં

રાજ્યમાં કોરોનાકાળ દરમિયાન સ્થાનિક સ્વરાજ્યની ચૂંટણીના ભણકારા વાગી રહ્યાં છે ત્યારે થોડા સમયમાં ચૂંટણીનો કાર્યક્રમ પણ જાહેર કરવામાં આવી શકે છે. જો કે રાજ્ય સરકાર દ્વારા ફેબ્રુઆરી સુધીમાં સ્થાનિક સ્વરાજયની ચૂંટણી યોજવા અંગે બાહેંધરી કોર્ટમાં આપી છે. ત્યારે વડોદરા ખાતે ભાજે વોર્ડના હાલના કોર્પોરેટરની કામગીરીનો હિસાબ લેવાની શરુઆત કરી દીધી છે.

વડોદરામાં 2015માં કુલ 76 કોર્પોરેટરમાંથી 58 કોર્પોટેર ભાજપના ચૂંટાયા હતા. 58માંથી 15 થી 20 જેટલા કોર્પોરેટરની પક્ષ ટીકિટ કાપે તેવી શક્યતા છે. આમ હાલના 58માંથી 40 જેટલા કોર્પોરેટરો રિપિટ થાય તેવી સંભાવના છે. શહેરના જ્ઞાતિ સમીકરણ અને બદલાયેલા સિમાંકનને કારણે નવા લોકોને તક મળી શકે છે. 

SC-ST અને OBCની બેઠકમાં થયેલા ફેરફારોના કારણે કોર્પોરેટરની ટીકીટ કપાઇ શકે છે. વોર્ડ 8માંથી ચૂંટાયેલા મેયર જીગીશાબેન શેઠને રિપિટ કરાશે તેવી અટકળો જોવા મળી રહી છે. 

• કોર્પોરેટર અને ડભોઈના MLA શૈલૈષ મહેતા તેમના બદલે દીકરા ધ્રૃમિલ મહેતા માટે  પ્રયત્ન કરશે 
• MLA મધુ શ્રીવાસ્તવના કોર્પોરેટર પુત્ર વોર્ડ 15ના બદલે વોર્ડ 5માં કરી શકે છે ટિકિટની માગણી
• સ્ટેન્ડિંગ કમિટિ ચેરમેન સતિષ પટેલનો મતવિસ્તાર નવા સિમાકનમાં બદલાયો 
• ડેપ્યુટી મેયર જીવરાજ ચૌહાણ 1અનામત બેઠક બદલાતા વોર્ડ 19ના બદલે વોર્ડ 16માંથી લડી શકે છે ચૂંટણી
• પૂર્વ મેયર ભરત ડાંગર પણ વોર્ડ 12માંથી ચૂંટણી લડી શકે છે 
• સંગઠના પૂર્વ મહામંત્રી કેયુર રોકડીયા વોર્ડ 8માંથી ચૂંટણી લડી શકે છે 
• વર્તમાન મંત્રી વસંત પટેલ અને મંત્રી મેહુલ લાખાણી વોર્ડ 10માંથી ચૂટણી લડી શકે છે