ગુજરાત લોકસભા ચૂંટણીનું મતદાન થઇ ચૂક્યું છે જ્યારે અંતિમ તબક્કાનું મતદાન 19મી મે ના રોજ થવાની છે. જેનું પરિણામ 23 મે ના રોજ આવશે. ત્યારે ગુજરાતમાં ભાજપના નેતાઓ વચ્ચે આંતરિક ઝઘડો સામે આવ્યો છે. ચૂંટણીના ખર્ચ મુદ્દે ભાજપના બે નેતાઓ વચ્ચે યુદ્ધ જામ્યુ હતું.
લોકસભા ચૂંટણીના ખર્ચ મુદ્દે ભાજપના નેતાઓ વચ્ચે યુદ્ધ જામ્યુ હતું. ભાજપ નેતા આશિષ વાગડિયા અને જગદીશ ચૌહાણ ફોન પર ઝગડી પડ્યા હતા. બંને નેતાઓએ એકબીજા પર અપશબ્દોનો મારો કર્યો હતો. ચૂંટણીમાં જમણવારના ખર્ચના હિસાબ મુદ્દે નેતાઓ તુ-તારી પર ઉતરી આવ્યા હતા.
બંને નેતાઓની બબાલનો ઓડિયો વાયરલ થયો છે. વાયરલ ઓડિયોમાં આશિષ વાગડિયા જગદીશ ચૌહાણને ધમકી આપી રહ્યા છે. જગદીશ ચૌહાણને જાનથી મારી નાખવાની ધમકી આપી હતી. આશિષ વાગડિયાએ જગદીશ ચૌહાણની હત્યાના પ્રયાસની વાત કબૂલી હતી.
અકસ્માતમાં હત્યા કરાવવાની આશિષ વાગડિયાએ ધમકી આપી હતી. માતાજીના માંડવામાં સાગરિતોને મોકલી હત્યા કરાવવાનો પ્રયાસ કર્યો હોવાની કબુલાત કરી હતી.