અમરેલી / મહામારીના સમયમાં બેદરકારીનો સિલસિલો યથાવત : ભાજપ નેતાઓને નથી કાયદા કે કાર્યવાહીનો ડર 

• સૌરભ પટેલ બાદ ભાજપના વધુ એક નેતાનો વીડિયો વાયરલ
• અમરેલીમાં ભાજપ યુવા મોરચના મહામંત્રીએ તોડ્યા નિયમો
• ભાજપ યુવા મોરચા દ્વારા ક્રિકેટ ટુર્નામેન્ટનું કરાયું હતું આયોજન

ગુજરાતમાં કોરોના કેસ વધી રહ્યા છે ત્યારે નેતાઓ ભાન ભૂલી ભીડ એકત્રિત કરી રહ્યા છે ગઈ કાલે પૂર્વ ઊંર્જા મંત્રીએ સોશિયલ મીડિયામાં એક વીડિયો પોસ્ટ કર્યો હતો જેમાં ક્રિકેક ટૂર્નામેન્ટમાં જીતનો જશ્ન માણવા હજારો લોકોની ભીડ એકત્રિત થઈ હતી. જે બાદ મહામારીના સમયમાં સરકારની કામગીરી પર અનેક સવલો ઉઠ્યા હતા. ખૂદ સરકારમાં જ મંત્ર પદે રહી ચુકેલા નેતાઓ જ ભાર ભૂલી કોરોના કાળમાં ભીડ એકત્રિક કરી રહ્યા છે. બોટાદનો વીડિયો વાયરલ થયા બાદ વધુ એક ભાજપ નેતાનો વીડિયો સામે આવ્યો છે જેમાં કોરોનાકાળના નિયમોની ઐસીતૈસી થતી જોવા મળી રહી છે. 

અમરેલીમાં ભાજપ યુવા મોરચના મહામંત્રીએ તોડ્યા નિયમો

રાજકીય નેતાઓની બેદરકારીનો સિલસિલો યથાવત જોવા મળી રહ્યો છે, નેતાઓને કાયદા કે કાર્યવાહીનો કોઈ ડર ન હોય તેમ જોવા મળી રહ્યું છે,  પૂર્વ ઊંર્જા મંત્રી સૌરભ પટેલ બાદ ભાજપના વધુ એક નેતાનો વીડિયો વાયરલ થયો છે. જેમાં અમરેલીમાં ભાજપ યુવા મોરચના મહામંત્રીએ કોવિડના નિયમો નેવે મુકીને  ઝાફરાબાદ ખાતે ક્રિકેટ ટુર્નામેન્ટનું આયોજન કર્યું હતું અને ભારે ભીડ એકઠી કરી હતી. ભાજપ યુવા મોરચાના મહામંત્રી ડૉ.નરેશ દેસાઇએ નિયમોના ધજાગરા ઉડાવ્યા હતા. ભાજપ નેતાઓ દ્વારા જ માસ્ક અને સોશિયલ ડિસ્ટન્સ સરેઆમ ઉલ્લઘંન થતા તંત્રની કામગીર સામે સવાલો ઉઠી રહ્યા છે. 

ભાજપ ક્રિકેટ ટૂર્નામેન્ટનો વીડિયો કર્યો પોસ્ટ

મહત્વનું છે કે બોટાદમાં પણ નાઈટ ક્રિકેટ ટૂર્નામેન્ટનું આયોજન કરવામાં આવ્યું હતું. પહેલી ડિસેમ્બરથી ક્રિકેટ ટૂર્નામેન્ટની શરૂઆત કરવામાં આવી હતી જ્યારે 25 ડિસેમ્બરે ટૂર્નામેન્ટની ફાઈનલ મેચ હતી પરતું ફાઈનલ મેચ જીતેલી ટીમે જીતના જશ્નમાં કોરોનાના નિયમો ભૂલી માસ્ક તથા સોશિયલ ડિસ્ટન્સિંગના ધજાગરા ઉડાવ્યા હતા. જેનો વીડિયો સામે આવતા ખળભળાટ મચી ગયો છે. અહીં હજારોની સંખ્યામાં ભીડ વચ્ચે પૂર્વ મંત્રી સૌરભ પટેલની હાજરી પણ દેખાઈ રહી છે. ઓમિક્રોનના વધતા કેસ વચ્ચે ચોંકાવનારો વીડિયો સામે આવતા અનેક સવાલો ઉઠી રહ્યા છે. બોટાદમાં નાઈટ ક્રિકેટ ટૂર્નામેન્ટમાં યોજવામાં આવી હતી, જેમાં કોરોના ગાઈડ લાઈનના સરેઆમ ધજાગરા ઉડ્યા હતા. અહીં ભીડમાં હાજર લોકોમાં ના તો કોઈએ માસ્ક પહેર્યું હતો કે ના તો સોશિયલ ડિસ્ટન્સના નિયમો જાળવ્યા હતા. 

હજારોની સંખ્યામાં લોકો થયા હતા એકઠા

ગુજરાતમાં ફરી કોરોના કેસ વધી રહ્યા છે ત્યારે હજારોની સંખ્યમાં કોરોના કહેર વચ્ચે પૂર્વ મંત્રી સૌરભ પટેલે જ નિયમનેવે ક્રિકેટ ટૂર્મનામેન્ટમાં હાજરી આપીને નિયમતોડ ભીડનો વીડિયો સોશિયલ મીડિયામાં પોસ્ટ કર્યો હતો. ત્યારે વધુ એક ભાજપ યુવા મોરચાના મહામંત્રીએ કોરોનાકાળમાં નિયમો ભંગ કર્યા છે જેમાં ઝાફરાબાદ ખાતે ક્રિકેટ ટૂર્નામેન્ટનું આયોજન કરી ભીડ એકત્રિક કરી હતી. ઉલ્લેખનિય છે કે સામાન્ય પ્રજા બેદરકારી દાખવે તો પાસેથી આકરો દંડ વસૂલ કરવામાં આવે છે જ્યારે  નેતાઓ બેદરકારી દાખવે તો તેમના ઉપર કોઈ જ કાર્યવાહી કરવામાં આવતી નથી. રાજ્યમાં કોરોના કેસનું પ્રમાણ વધી રહ્યું છે તો  નાઈટ કર્ફ્યૂનો સમય પણ વધારવામાં આવ્યો છે ત્યારે સરેઆમ નિયમોની ઐસીતૈસી કરતા નેતાઓ ભાન ભૂલે છે. ભાજપ ક્રિકેટ ટુર્નામેન્ટમાં કોરોના ઓમિક્રોનને આમંત્રણ આપતા વીડિયોથી ચકચાર મચી જવા પામી છે. મહામારીના સમયમાં ભીડ એકઠી કરી સરકાર સામે ખૂદ નેતાઓ જ ખુલ્લો પડકાર ફેંકી રહ્યા છે.