નિવેદન / રાહુલ ગાંધીના ઈશારે આ કામ થયું, જેનો ડર હતો તે થયું, ઈમરાન પર સિદ્ધુની કોમેન્ટ પર ભાજપ ભડકી

• પંજાબ કોગ્રેસ અધ્યક્ષ સિદ્ધુ પર ભાજપના આકરા પ્રહાર
• સિદ્ધુએ પાક.ના કરતાપરુમાં જઈને ઈમરાન ખાનને મોટાભાઈ ગણાવ્યાં
• સિદ્ધુના નિવેદન બાદ ભાજપ ભડકી, કર્યો ડબલ એટેક 

પાકિસ્તાનના કરતારપુરમાં પીએમ ઈમરાન ખાન પર સિદ્ધૂની કોમેન્ટથી રાજકીય ઘમાસાણ મચ્યું છે. ભાજપે સિદ્ધુની આ કોમેન્ટ પર ઉગ્ર નિશાન સાધ્યું છે. ભાજપ નેતા અમીત માલવીય અને સંબિત પાત્રાએ સિદ્ધૂ પર ઉગ્ર પ્રહાર કરતાં આક્ષેપ કર્યાં છે. 

ગાંધી ભાઈ બહેનોએ અનુભવી અમરિન્દરને બદલે પાકિસ્તાનને પ્રેમ કરનાર સિદ્ધુની પસંદગી કરી 

ભાજપ પ્રવક્તા અમિત માલવીયે જણાવ્યું કે રાહુલ ગાંધીના ખાસ સિદ્ધુ પાકિસ્તાનના પ્રધાનમંત્રી ઈમરાન ખાનને તેમના મોટાભાઈ ગણાવે છે. છેલ્લી વાર તેમણે પાકિસ્તાની સેનાના પ્રમુખ જનરલ બાજવાને ગળે લગાડ્યા હતા. તેમના જોરજાર વખાણ કર્યાં હતા તેથી એ વાતમાં હવે કોઈ હેરાની નથી કે ગાંધી ભાઈ બહેનોએ અનુભવી અમરિન્દરને બદલે પાકિસ્તાનને પ્રેમ કરનાર સિદ્ધુની પસંદગી કરી.

રાહુલ ગાંધીના ઈશારે સિદ્ધુએ નિવેદન આપ્યું 

ભાજપના બીજા પ્રવક્તા સંબિત પાત્રાએ જણાવ્યું કે સિદ્ધુનું નિવેદન કરોડો ભારતીયો માટે ચિંતાનો વિષય છે. પાત્રાએ જણાવ્યું કે પાકિસ્તાનમાં હોય અને સિદ્ધુ તેના વખાણ ન કરે તે વાત બની જ ન શકે. આ કોંગ્રેસનું ઈરાદાપૂર્વકનું ષડયંત્ર છે. તેમણે કહ્યું કે જેનો ડર હતું તે જ થયું છે.  સિદ્ધુએ આ નિવેદન રાહુલ ગાંધીના ઈશારે આપ્યું છે. 

સિદ્ધુએ કરતાર પહોંચીને ઈમરાન ખાનને મોટાભાઈ ગણાવ્યાં 
નવજોત સિદ્ધૂએ પાકિસ્તાનના કરતારપૂરમાં પહોંચીને ત્યાંના પીએમ ઈમરાનખાનને મોટાભાઈ કહી દેતા ભાજપ ભડકી છે. કરતારપુર પહોંચ્યા બાદ સિદ્ધૂએ ગુરુદ્વારા પહોંચ્યાં હતા અને દર્શન કર્યાં હતા. કરતારપુર પહોંચ્યા બાદ સિદ્ધએ ઈમરાનખાનને મોટાભાઈ ગણાવી દેતા ભાજપ ભડકી છે.