રાજ કુન્દ્રા કેસમાં દરરોજ નવા વળાંકો આવે છે ત્યારે મુંબઇ BJP પ્રવક્તાએ રાજ કુન્દ્રા વિશે નિવેદન આપ્યું છે અને તેને છેતરપિંડી આચરનાર ગણાવ્યો છે.
રાજ કુન્દ્રા પર છેતરપિંડીનો આરોપ
BJP પ્રવક્તાએ લગાવ્યો આરોપ
3000 કરોડ રૂપિયાની આચરી છેતરપિંડી
રામ કદમે કહ્યું કે, નાગરિકોને મૂર્ખ બનાવીને લાખો રૂપિયા કમાયો છે. તેણે કહ્યું કે રાજે ગરીબ લોકોને ફસાવ્યા છે. ગોડ ગેમના નામ પર લોકો પાસેથી 30-30 લાખ રૂપિયા લીધા છે અને તે પૈસા ક્યારેય તેણે પાછા નથી આપ્યા.
શિલ્પા શેટ્ટીના નામનો ઉપયોગ
રામ કદમે કહ્યું કે, રાજ કુન્દ્રાએ પત્નીના નામનો ઉપયોગ કર્યો છે. દેશમાં મોટેપાયે લોકોને મૂર્ખ બનાવ્યા છે. રાજ કુન્દ્રાએ 2500 થી 3000 કરોડ સુધીની છેતરપિંડી કરી છે. જ્યારે લોકો તેમના પૈસા પાછા માગવા માટે ગયા ત્યારે તેમને માર માર્યો અને કુન્દ્રા વિરુદ્ધ કોઇ પણ પ્રકારની ફરિયાદ પણ દાખલ થઇ નહોતી. આ ગડબડ વિયાન ઇન્ડસ્ટ્રીઝ દ્વારા કરવામાં આવી છે.
પોલીસે ઉઠાવ્યા સવાલ
રામ કદમે પોલીસ વિભાગ પર પણ સવાલ ઉભા કર્યા છે. તેમણે કહ્યું કે, જ્યારે લોકો કુન્દ્રા વિરુદ્ધ ફરિયાદ લઇને પોલીસ સ્ટેશન પહોંચ્યા ત્યારે તેમણે ફરિયાદ ફાઇલ કરવાથી ઇન્કાર કરી દીધો હતો. જેથી પોલીસ વિરુદ્ધ પણ તપાસ શરૂ કરવી જોઇએ. મહારાષ્ટ્રમાં ઘણા લોકો છે જે કુન્દ્રાની આ છેતરપિંડીનો શિકાર બન્યા છે.