ધરપકડ / ભાજપના શહેર યુવા પ્રમુખ દારૂની બોટલો સાથે ઝડપાયો, પોલીસે કરી આ કાર્યવાહી

• ધોળકા ભાજપ શહેર યુવા મોરચાનો પ્રમુખ દારુ સાથે ઝડપાયો 
• ધોળકા DYSPની ટીમે પુલેન સર્કલ પાસેથી ઝડપી પાડયો
• પોલીસે મુદામાલ કબજે કરી વધુ તપાસ હાથ ધરી

ઘોળકામાં DySPની ટીમે પુલેન સર્કલ પાસેથી બાતમીના આધારે ભાજપના યુવા નેતા નીરવ કાછીયાની ધરપકડ કરી હતી. પોલીસે હાલ 11 હજાર 500 રૂપિયાનો મુદ્દામાલ કબ્જે કરી કાયદેસરની કાર્યવાહી શરૂ કરી છે.

ધોળકા પોલીસ સ્ટેશનના હેડ કોન્સ્ટેબલ જગદીશભાઇએ જણાવ્યું હતું, પેટ્રોલિંગ દરમિયાન બાતમી મળી હતી. બાતમીના આધારે પુલેન સર્કલ નજીકથી દારૂ સાથે નીરવ કાછીયાની ધરપકડ કરવામાં આવી હતી. આ દરમિયાન તેમની પાસેથી એક થેલામાં 3 નંગ વિદેશી દારૂની બોટલ મળી આવી હતી.