આક્ષેપ / લેટર બૉમ્બ: હેલમેટ માટે પોલીસ ડ્રાઈવનો ભાજપના જ દિગ્ગજ નેતાએ કર્યો વિરોધ, સંઘવી પાસે પહોંચ્યો મામલો

• સુરતમાં પૂર્વ આરોગ્યમંત્રી કુમાર કાનાણીનો લેટર બૉમ્બ 
• ગૃહ રાજયમંત્રી હર્ષ સંઘવીને ટ્રાફિક દંડ નહીં વસૂલવાનો લેટર 
• લેટરમાં ટ્રાફિક પોલીસ બેફામ રીતે દંડ વસુલાત કરતી હોવાનો આક્ષેપ
• BJPના ધારાસભ્ય લેટર લખતાં રાજકીય વાતાવરણ ગરમાયું 

તારીખ:- ૦૮/૦૩/૨૦૨૨
વિષય :- હેલ્મેટ તથા સીટ બેલ્ટ ભંગ ના કેસો અંગેની ડ્રાઇવ રદ રાખવા બાબત...... pic.twitter.com/jYNuDnb9hP

— Kishor Kanani (Kumar) (@ikumarkanani) March 8, 2022

ગૃહ રાજયમંત્રી હર્ષ સંઘવીને ટ્રાફિક દંડ નહીં વસૂલવાનો લેટર 

રાજ્યમાં છેલ્લા બે વર્ષથી હેલ્મેટ અને ટ્રાફિકના નિયમોનો ભંગ કરવાની સંખ્યા વધી ગઈ છે. અગાઉ માસ્ક ફરજિયાત પહેરવાના નિયમને પગલે હેલ્મેટ અને સીટ બેલ્ટના નિયમને હળવાશમાં લેવાતાં અકસ્માતના કેસો વધ્યા છે. ત્યારે રાજ્ય પોલીસ દ્વારા તમામ શહેર અને જિલ્લાઓમાં ટ્રાફિક ડ્રાઈવનું આયોજન કરાયું છે. જેમાં બાઈક ચાલકો હેલ્મેટ કે ફોર વ્હીલર ચલનારા સીટ બેલ્ટ વિના જોવા મળ્યા તો તેમણે એક હજાર રૂપિયા દંડ ચુકવવા માટે તૈયાર રહેવું પડશે. ત્યારે રાજ્યના પૂર્વ આરોગ્ય મંત્રી કુમાર કનાણીએ રાજ્યના ગૃહમંત્રીને લેટર લખીને ટ્રાફિકનો દંડ નહી વસૂલવા માટે સૂચવ્યું છે..

BJPના ધારાસભ્ય લેટર લખતાં રાજકીય વાતાવરણ ગરમાયું 

કુમાર કાનાણીએ રાજ્યના ગૃહમંત્રીને લેટર લખીને જાણ કરી છે કે, હાલ રાજ્યમાં ચાલી રહેલા ટ્રાફિક પોલીસની સ્પેશિયલ ડ્રાઈવ દરમિયાન ટ્રાફિક પોલીસ બેફામ રીતે વાહનો સાથે દંડ વસુલાત કરતી હોવાનો આક્ષેપ કરવામાં આવ્યો છે. તેમણે જણાવ્યું હતું કે,કોરોનાના કારણે લોકો આર્થિક રીતે ભાંગી પડ્યા છે હાલ પરિસ્થતિ કાબુમાં આવી છે. ત્યારે ટ્રાફિક પોલીસ દ્વારા સ્પેશિયલ ડ્રાઈવના નામે મસ મોટો દંડ ફટકારીને લોક ને હેરાન પરેશાન છે. આમ ખુદ BJP ની સરકાર હોવા છતાં BJP ના ધારાસભ્ય લેટર લખતાં રાજકીય વાતાવરણ ગરમાયું છે.