Monday, May 20, 2019

ભાજપ નેતાની અજાણ્યા શખ્સોએ કરી હત્યા... કોણ છે જયંતિ ભાનુશાળી ?

ભાજપ નેતાની અજાણ્યા શખ્સોએ કરી હત્યા... કોણ છે જયંતિ ભાનુશાળી ? ભાજપના નેતા જયંતિ ભાનુશાળીની ગોળી મારીને હત્યા કરી નાખવામાં આવી છે. મોરબી માળિયા મિયાણા વચ્ચેની આ ઘટના છે. અજાણ્યા શખ્સોએ જયંતિ ભાનુશાળી પર ફાયરિંગ કરતા એક ગોળી આંખમાં વાગી અને એક ગોળી છાતીમાં વાગતા તેમનું મોત થયુ છે.

તેઓ ભૂજથી દાદર જઈ રહેલી ટ્રેનમાં મુસાફરી કરી રહ્યા હતા. તે સમયે મોડી રાતે અજાણ્યા શખ્સો દ્વારા આ હત્યાને અંજામ આપવામાં આવ્યો છે. તેઓ સયાજીનગરી એક્સપ્રેસમાં મુંબઈ જઈ રહ્યા હતા ત્યારે આ હત્યા થઈ છે.

ઉલ્લેખનીય છે કે તેઓ ગુજરાત ભાજપના ઉપપ્રમુખ પણ રહી ચૂક્યા છે. તો થોડા સમય પહેલા જયંતિ ભાનુશાળી પર દુષ્કર્મનો આરોપ પણ લાગ્યો હતો. આરોપ બાદ જયંતિ ભાનુશાળીએ પોતાના પદેથી રાજીનામુ આપ્યુ હતું. એટલું જ નહીં તેઓ કચ્છ જિલ્લા ભાજપના દિગ્ગજ નેતા પણ હતા.

કોણ છે જયંતિ ભાનુશાળી ?
  • જયંતિ ભાનુશાળી ભાજપ નેતા છે
  • અબડાસા પાસેના કોઠારા તેમનું વતન છે
  • નવમા ધોરણ બાદ તેણે અભ્યાસ છોડી દીધો હતો.
  • રિયલ એસ્ટેટ ખેતી અને બારદાનના વ્યવસાય સાથે સંકળાયેલા છે
  • 1980ના દાયકાથી અબડાસા તાલુકા અને કચ્છ જિલ્લાના રાજકારણમાં સક્રિય 
  • તાલુકા અને જિલ્લા પંચાયતની ચૂંટણીમાં ચૂંટાયા 
  • વર્ષ 2007માં ભાજપે તેને અબડાસા બેઠકની ટિકિટ આપી 
  • 2007ની ચૂંટણીમાં તેમનો વિજય થયો 
  • વર્ષ 2012ની વિધાનસભા ચૂંટણીમાં કોંગ્રેસના છબીલ પટેલ સામે પરાજય મળ્યો
  • 2015 તેની નિમણૂંક સ્ટીલ ઓથોરિટી ઓફ ઇન્ડિયાના બોર્ડમાં ડિરેક્ટર તરીકે થઈ
  • જયંતિ ભાનુશાળી સામે સુરતની યુવતિએ કરી હતી ફરિયાદ 
  • સુરતની યુવતીએ દુષ્કર્મની ફરિયાદ કરી હતી
  • મામલો હનીટ્રેપનો સાબિત થયો હતો
  • યુવતી સાથે બારોબાર સમાધાન થઈ ગયુ હતુ
  • યુવતીએ હાઈકોર્ટમાં એફિડેવિટ કરી હતી
  • વર્ષ 2017માં નલિયાકાંડમાં તેમના પર આરોપ લાગ્યો
  • જયંતિ ભાનુશાળીના અશ્લિલ વીડિયો પણ થયા છે વાયરલ
Loading...

જોવા જેવું વધુ જુઓ

બ્રેકિંગ ન્યૂઝ