વિજયવર્ગીયના ચીન સંબંધી નિવેદનને લઈને તેમના પર નિશાન સાધતા પ્રદેશ કોંગ્રેસ પ્રવક્તા નીલાભ શુક્લાએ કહ્યું કે, 'શું ભાજપ નેતા એવું કહેવા માંગે છે કે ચીને ભારત વિરૂદ્ધ રસાયણ યુદ્ધ છેડ્યું છે?'
ભારતમાં કોરોનાના કહેર પર પોતાના એક નિવેદનને લઈને ભાજપ મહાસચિવ કૈલાશ વિજયવર્ગીય કોંગ્રેસના નિશાન પર આવી ગયા છે. આ નિવેદન વિશે વિજયવર્ગીયએ દેશમાં મહામારીની બીજી લહેર પાછડ પડોસી દેશ ચીનને જવાબદાર ગણાવ્યો છે.
પ્રધાનમંત્રી નરેન્દ્ર મોદીએ જ ચીનને પડકાર આપ્યો છે
તેમના નિવેદનની એક ઓડિયો ક્લિપ સોશિયલ મીડિયા પર વાયરલ થઈ રહી છે જેમાં વિજયવર્ગીય કથિત રીતે એવું કહેતા સંભળાઈ રહ્યા છે. 'હાલ જે કોરોનાની લહેર છે તે આવી છે કે મોકલવામાં આવી છે. તે ચર્ચાનો વિષય છે. કારણ કે દુનિયાભરમાં જો કોઈ દેશ છે જેણે ચીનને પડકાર આપ્યો છે તો એ ભારતે આપી છે, પ્રધાનમંત્રી નરેન્દ્ર મોદીએ આપી છે.'
કોરોનાની બીજી લહેર ચીનનો 'વાયરસ વાર' છે
ભાજપ મહાસચિવે કહ્યું કે હવે એ વાતને લઈને ચર્ચા શરૂ થઈ ગઈ છે કે ભારતમાં કોરોનાની બીજી લહેરનો પ્રકોપ શું ચીનનો 'વાયરસ વાર' છે? તેમણે કહ્યું કે, 'અમને તો લાગે છે કે ભારતને હેરાન કરવા માટે ચીનનો વાયરલ વાર છે. કારણ કે કોવિડ-19ની બીજી લહેર ફક્ત ભારતમાં જ આવી છે. બાંગ્લાદેશ, પાકિસ્તાન, શ્રીલંકા, ભૂટાન અને અફગાનિસ્તાન જેવા દેશોમાં કોરોનાની બીજી લહેર નથી આવી.'
વિજયવર્ગીયે 200 ઓક્સિજન સિલિન્ડનું વિતરણ કર્યું
વિજયવર્ગીયએ આ નિવેદન પોતાના ગૃહનગર ઈંદૌરમાં સોમવારે એક કાર્યક્રમને સંબોધન કરતા આપ્યું હતું. આ કાર્યક્રમમાં તેમણે શહેરના એક પરમાર્થિક ટ્રસ્ટની તરફથી લોકોને 200 ઓક્સિજન સિલિન્ડરનું વિતરણ કર્યું હતું.
વિપક્ષે સાધ્યું નિશાન
વિજયવર્ગીયના ચીન સંબંધી નિવેદનને લઈને વિપક્ષ દ્વારા તેના પર નિશાન સાધતા મધ્યપ્રદેશના પ્રદેશ કોંગ્રેસ પ્રવક્તા નીલાભ શુક્લાએ કહ્યું, 'શું વિજયવર્ગીય એવું કહેવા માંગે છે કે ચીને ભારત વિરૂદ્ધ રસાયણીક યુદ્ધ છેડી દીધું છે? તે ભાજપમાં એક જવાબદારી વાળા પદ પર છે અને તેમણે પોતાના નિવેદનને સ્પષ્ટ કરવું જોઈએ.' શુક્લાએ આરોપ લગાવ્યો છે કે કેન્દ્ર સરકારની બેદરકારીના કારણે દેશની જનતાને મહામારીની બીજી લહેરનો પ્રકોપ સહન કરવાનો વારો આવ્યો છે.
આ વચ્ચે કોંગ્રેસના વરિષ્ઠ નેતા સજ્જન સિંહ વર્માએ કહ્યું કે, 'વિજયવર્ગીય વિચિત્ર નેતા છે અને તેમણે કોઈ નાના બાળક જેવી વાત કહી દીધી છે. આ વાત ફક્ત ભારત નહીં પરંતુ આખી દુનિયાને ખબર છે કે કોરોના વાયરસ ચીનમાંથી આવ્યો છે.'