વિવાદાસ્પદ / વ્યસનમુક્તિ કાર્યક્રમમાં ભાજપના દિગ્ગજ નેતાએ PM મોદીને લઇને આપ્યું અજીબ નિવેદન

• વિજયવર્ગીએ પીએમ મોદીને લઇને આપ્યું અજીબ નિવેદન
• કહ્યું- દેશભક્તિનો નશો એટલો પણ ન કરો કે મોદીની જેમ લગ્ન જ ન કરો

કૈલાશ વિજયવર્ગીય યુવાઓને સંબોધતા તેમણે કહ્યું કે "નશામાં રહેવું સારી વાત છે પરંતુ નશો કામ અને દેશભક્તિનો હોવો જોઇએ, પરંતુ દેશભક્તિનો નશો એટલો પણ ન હોવો જોઇએ કે મોદીજીની જેમ લગ્ન જ ન કરે.

જોકે મધ્યપ્રદેશના ઇંદૌરમાં નશાના વિરોધમાં મેરેથોન દોડનું આયોજન કરાયું હતું. જેમાં વિજયવર્ગીય પણ હાજર રહ્યા હતા. તેઓ યુવાનોને નશો ન કરવાની અપીલ કરી રહ્યા હતા. તો કૈલાશ વિજયવર્ગીયના આ નિવેદન બાદ ફરી એકવાર રાજકારણ ગરમાયું છે. 

જણાવી દઇએ કે વિજયવર્ગીય પોતાના વિવાદાસ્પદ નિવેદનોને લઇને ચર્ચામાં બન્યા રહે છે. ગત દિવસોમાં તેમણે ઇન્દોરના જાણિતા પૌવાને લઇને નિવેદન આપ્યું હતું જ્યાર બાદ તેઓ વિપક્ષના નિશાને આવી ગયા હતા. તેમણે કહ્યું હતું કે, મારા ઘરે મજૂર કરી રહેલા લોકોના પૌવા ખાવાની સ્ટાઇલથી સમજી ગયો કે બાંગ્લાદેશ છે. જેને લઇને સોશિયલ મીડિયા પર લોકોએ નારાજગી વ્યક્ત કરી હતી.