ગોલમાલ / ગોંડલમાં ભાજપના નેતાને બદલે ડમી વિદ્યાર્થીએ પરીક્ષા આપી, ભાંડો ફુટી ગયો પણ તપાસને નામે '?'

• ભાજપના નેતાનું ભોપાળુ
• ડમી વિદ્યાર્થીનું નામ આવ્યુ સામે
• કુલપતિની ડાહી ડાહી વાતો

ગોંડલની MB કોલેજમાં ડમી વિદ્યાર્થી દ્વારા પરીક્ષા આપવાના મામલે હવે સૌરાષ્ટ્ર યુનિવર્સિટીની હિયરિંગમાં કાયદેસરની કાર્યવાહીનો આદેશ અપાયો છે. તો ડમીકાંડ બાદ હવે કોલેજના પ્રિન્સિપલ પણ રજા પર ઉતરી ગયા છે. 

હિયરિંગમાં કોલેજના પ્રતિનિધિ તરીકે  નિર્મળસિંહ હાજર રહ્યાં હતા. ત્યારે કોલેજ CCTV આપવામાં પણ નિષ્ફળ ગઇ છે. કોલેજ 28 નવેમ્બરથી 4 ડિસેમ્બર સુધીના CCTV ન આપી શકી. કોલેજે માત્ર 5થી 15 ડિસેમ્બર સુધીના જ CCTV રજૂ કર્યા છે. ત્યારે સમગ્ર મામલે હવે અલ્પેશ ઢોલરીયા સામે પણ કાર્યવાહી થઇ શકે છે. પરીક્ષા ફોર્મ, પરીક્ષાના હાજરી પત્રકની સહીમાં પણ તફાવત જોવા મળી રહ્યો છે.

ડમી વિદ્યાર્થીનું નામ આવ્યુ સામે

ડમી વિદ્યાર્થીનું નામ ધર્મેશ હોવાનું સામે આવ્યુ છે. અલ્પેશના બદલે ધર્મેશે આપી હતી પરીક્ષા આપી હતી. 11 દિવસ બાદ પણ ભાજપ નેતા સામે કોઇ કાર્યવાહી કરવામાં આવની ન હોવાની ચર્ચાએ જોર પકડ્યુ છે.  

અલ્પેશ ઢોલરીયાને બચાવવા જિલ્લાના નેતાઓ મેદાનમાં

11 દિવસ બાદ પણ કોઈ પોલીસ ફરિયાદ થઈ નથી એટલુ જ નહીં પરંતુ અલેપશે ઢોલરીયાને બચાવવા જિલ્લાના નેતાઓ મેદાનમાં આવ્યા છે. કહેવાતા શિક્ષણવિદો,યુનિ. હોદેદારો  પણ બચાવમાં મેદાનમાં ઉતર્યા છે. કોલેજ પ્રિન્સિપાલ, સરકારી તંત્ર અલ્પેશને બચાવી રહ્યુ હોવાના આક્ષેપો થઈ રહ્યા છે  

કુલપતિની ડાહી ડાહી વાતો

ગોંડલના ડમી કાંડ મામલે સૌરાષ્ટ્ર યુનિવર્સિટીના કુલપતિએ ડોક્ટર નીતિન પેથાણીએ પ્રતિક્રિયા આપી છે. તેમણે જણાવ્યુ હતુ કે, ગોંડલની MB કોલેજનું પરીક્ષા કેન્દ્ર રદ્દ કરવામાં આવેલું છે. અને કોલેજના પ્રિન્સિપાલને પૂરવાઓ સાથે યુનિવર્સિટીમાં બોલાવવામાં આવ્યા છે. અમારી પર કોઈ રાજકીય દબાણ નથી. અગાઉ આ કેન્દ્ર પર 26 જેટલા કોપી કેસ કરવામાં આવેલા છે. આ સાથે પુરાવાઓના આધારે તપાસ કરવામાં આવશે.