કાર્યવાહી / વાડ જ ચિભડાં ગળે તો શું કરવું? ગુજરાત ભાજપના આ નેતાની વાડીમાંથી 8 લાખનો દારૂ ઝડપાતા હડકંપ

• ભાજપ અગ્રણી દારૂના જ્થ્થા સાથે ઝડપાયા 
• ગામની સીમમાં આવેલ વાડીમાં રાખ્યો હતો દારૂ 
• 164 પેટી દારૂ સાથે પોલીસે કરી ભાજપ અગ્રણીની ધરપકડ 

ગીર સોમનાથના તાલાળા ગીરમાં ભાજપ અગ્રણી દારૂ સાથે ઝડપાયા હોવાનું સામે આવ્યું છે. જેના કારણે રાજકારણમાં હડકંપ મચી ઉઠ્યો છે. ભાજપના અગ્રણી બાબુ રામોલિયાની વાડીમાંથી 8 લાખનો દારૂ ઝડપાયો છે. જેમા તેમણે ધાવા-સુરવા ગામની સીમમાં વાડીમાં દારૂ રાખ્યો હતો. જે દારૂ પોલીસે ઝડપી પાડ્યો છે. 

164 પેટી દારૂ સાથે અરવિંદ રામોલિયાની ધરપકડ 

પોલીસને મોડી રાતે બાતમી મળી હતી જે બાતમીને આધારે પોલીસે દરોડા પાડ્યા હતા. પોલીસે 164 પેટી દારૂ સાથે વાડીના માલિક અરવિંદ રામોલિયાની ધરપકડ કરી છે. જેના કારણે આસપાસના વિસ્તારમાં ચરચાર મચી જવા પામી છે. સાથેજ કાયદો વ્યવસ્થાની સ્થિતી સામે પણ સવાલો ઉભા થયા છે. 

બાતમીને આધારે પોલીસે કરી હતી રેડ 

પોલીસને સમગ્ર મામલે બાતમી મળી હતી કે ધારા સુરવા ગામની સીમમાં આવેલ વાડીમાં દારૂ રાખવામાં આવ્યો છે. જે બાતમીને આધારેજ પોલીસે રેડ કરી હતી. જે વાડીમાં રેડ કરી તે વાડી ભાજપ અગ્રણી અરવિંદ રામોલિયાની હોવાનું સામે આવ્યું છે. જેને લઈને પોલીસે સમગ્ર મામલે કાયદેસરની કાર્યવાહી આરંભી છે.

ઉનાનો કુખ્યાત બુટલેગર ફરાર 

ઉલ્લેખનીય છે કે સમગ્ર મામલે પોલીસે 164 પેટી દારૂ સાથે વાડીના માલિક અરવિંદ રામોલિયાની ધરપકડ કરી છે. સાથેજ દારૂનો જથ્થો ક્યાથી આવ્યો હતો તેનું પગેલું મેળવવા પણ પોલીસે કવાયત હાથ ધરી છે. સાથેજ આ ઘટનામાં ઉનાનો કુખ્યાત બુટલેગર પણ ફરાર તઈ ગયો હોવાનું સામે આવ્યું છે.