ગુજરાતમાં સામાન્ય માણસ નાઈટ કર્ફ્યૂમાં ક્યાંક ફસાઈ જાય તોય કેસ બને અને ભાજપના નેતાઓ ખુલ્લેઆમ હેકડેઠેટ જનમેદની ભેગી કરે તેનું કશું નહીં.પાટણ અને કચ્છમાં ખુલ્લે આમ માનવમહેરામણ ભેગું કરીને ભાજપના નેતાઓએ શક્તિ પ્રદર્શન કરતા કેમેરામાં કેદ થયા છે.
ગુજરાતમાં ભાજપ નેતાએ ફરી ગાઇડલાઇનના ધજાગરા ઉડાવ્યા છે. મહામારીમાં પાટણમાં ભાજપ નેતા રજની પટેલનું શક્તિ પ્રદર્શન સામે આવ્યું છે.
પાટણમાં ભાજપના રજની પટેલે રોડ શો યોજ્યો હતો. પાટણના ધિણોજ ગામેથી રોડ શોની શરૂઆત થઈ હતી જેમાં રજની પટેલ ખુલ્લી કારમાં સવાર થયા હતા એટલું જ નહીં ડીજેના તાલે બાઇક-ગાડીઓનો કાફલો જોવા મળ્યો હતો. લોકોને ઉત્તરાયણમાં ડીજે પર પ્રતિબંધ,નેતાઓને છુટ્ટો દોર મળી રહ્યો છે. રોડ શો માં માસ્ક અને સોશિયલ ડિસ્ટન્સનો સ્પષ્ટ અભાવ જોવા મળ્યો હતો.
કચ્છના ભાજપના એક બાદ એક કાર્યક્રમોમાં નિયમોનો ભંગ કરતા જોવા મળી રહ્યા છે. પાટણ બાદ કચ્છમાં ભાજપના કાર્યક્રમોમાં નિયમોના ધજાગરા ઉડ્યા છે. ભાજપ પ્રદેશ મહામંત્રીના અભિવાદન કાર્યક્રમમાં હેકડેઠેઠ ભીડ જોવા મળી રહી છે. લોકોને વાર તહેવાર અને પ્રસંગો ઉજવવામાં રોક લગાવનાર સરકારના ખુદના જ નેતાઓ લગ્ન સમારંભમા યોજાતા દ્રશ્યો ભાજપના કાર્યક્રમ સર્જાયા હતા.