વિવાદ / ભાજપના રાષ્ટ્રીય ઉપાધ્યક્ષે બૉલિવુડને લઇને એવો દાવો કર્યો કે સમગ્ર ફિલ્મજગતમાં હડકંપ મચ્યો

• કેટલાક સ્ટાર્સનું પાકિસ્તાની કનેક્શનઃ ભાજપના પ્રવક્તા
• કેટલાક સ્ટારનો ISI અને પાકિસ્તાની સેના સાથે સંબંધ છેઃ બૈજયંત જે પાંડા
• બૉલિવુડ આવા લોકોનો કરે બહિષ્કારઃ બૈજયંત જે પાંડા

બૈજયંત જે પાંડાએ બુધવારે મોટા ખુલાસા કરતા કહ્યું હતું કે બોલિવુડના અનેક સ્ટારના પાકિસ્તાની હેંડલરો સાથે સંપર્ક છે. પાંડાએ ટ્વિટ કરીને બૉલિવુડના સ્ટાર્સના કેટલાક પાકિસ્તાની અને અપ્રવાસી ભારતીયો સાથે લિંક હોવાનો દાવો કર્યો હતો. જેમની જમ્મુ કાશ્મીરમાં હિંસા ભડકાવવામાં ભૂમિકા હતી. જોકે આ મામલો સામે આવતા સિને એન્ડ ટીવી આર્ટિસ્ટ્સ એસોસિએશન(CINTAA)એ તપાસની માંગ કરી.

લોકસભાના સાંસદ રહી ચૂકેલા પાંડાએ પોતાના ટ્વિટમાં કોઈનું નામ નથી લખ્યું. માત્ર કેટલાક બોલિવુડના સ્ટાર્સ એવું જ લખ્યું છે. તેમણે ટ્વિટમાં લખ્યું કે, કેટલાક બૉલિવુડ પર્સનાલિટીઝના જમ્મુ કાશ્મીરમાં હિંસા ભડકાવનારા પાકિસ્તાનીઓ અને અપ્રવાસી ભારતીયોની સાથે વ્યક્તિગત અને વ્યાવસાયિક સંબંધોને ઉજાગર કરતા હેરાન કરનારા તથ્ય જોયા જેનો ISI અને પાકિસ્તાની સેના સાથે સંબંધ છે. આ સંબંધોની સરળતાથી પુષ્ટિ કરી શકાય છે. 

Came across shocking threads documenting personal & business links of some Bollywood personalities with certain Pakistanis & NRIs with undeniable track record encouraging violence in J&K, who have verifiable links to ISI & Pak army. I urge patriotic Bollywoodies to renounce them.

— Baijayant Jay Panda (@PandaJay) July 22, 2020

પાંડાએ અપીલ પણ કરી કે બૉલિવુડના દેશભક્ત લોકોએ આવા લોકો સાથે અંતર બનાવી દેવું જોઈએ. આવા લોકોનો બહિષ્કાર કરવો જોઈએ.