ઠાકોર સમાજમાં ધૂમધામથી લગ્ન કરવાનો રિવાજ છે, ત્યારે અલ્પેશ ઠાકોરે એક નવી પહેલ શરૂ કરી છે. 30 જાન્યુઆરીએ વસંત પંચમીના દિવસે જ અલ્પેશ ઠાકોરના દીકરા ઉત્સવના લગ્ન થયા હતા.
અલ્પેશ ઠાકોરે પોતાના દીકરાના લગ્નમાં અનોખું ઉદાહરણ પુરૂં પાડ્યું
સામાન્ય પરિવારમાંથી આવે છે અલ્પેશ ઠાકોરના દીકરાની પત્ની
પિતાનું થઇ ચૂક્યું છે નિધન, સાદગીથી કરાયા લગ્ન
હાલમાં અલ્પેશ ઠાકોરે પોતાના ભત્રીજાના લગ્ન ખુબ ધૂમધામથી કર્યા હતા. ત્યારે પોતાના દીકરાના લગ્ન એક ગરીબ પરિવારની દીકરી સાથે કર્યા છે. દીકરીના પિતાનું નિધન થઇ ચૂક્યું છે, તેવામાં આ લગ્નથી અલ્પેશ ઠાકોરે પોતાના સમાજને એક નવો સંદેશ આપ્યો છે.
અલ્પેશ ઠાકોરએ અનોખું ઉદાહરણ પુરૂ પાડ્યું
અલ્પેશ ઠાકોરના દીકરાની પત્નીનું નામ ઉર્વી છે. ઉર્વી બનાસકાંઠાના થરાની છે. ઉર્વીના પિતાનું બાળપણમાં જ મોત થયું હતું, ત્યારે અલ્પેશ ઠાકોર ખુબ જ સંપન્ન પરિવારમાંથી આવે છે. ગુજરાતની રાજનીતિમાં અલ્પેશ ઠાકોર બહુ મોટું નામ બનાવી ચૂક્યા છે. અલ્પેશ ઠાકોરે આ લગ્નમાં ખુબ જ ઓછો ખર્ચ કર્યો છે. સમાજમાં એક ઉદાહરણના રૂપમાં જોવાય રહ્યું છે.
કોંગ્રેસ છોડીને ભાજપમાં સામેલ થયા હતા અલ્પેશ ઠાકોર
વિધાનસભા ચૂંટણીમાં અલ્પેશ ઠાકોર કોંગ્રેસની ટિકીટ પરથી રાધનપુરથી લડ્યા હતા. જેઓ સત્તાધારી પક્ષ ભાજપ વિરૂદ્ધ આક્રામક વલણથી ઉભરી આવ્યા હતા, તેઓ વિધાનસભાના સભ્યપદથી રાજીનામું આપીને ભાજપમાં સામેલ થયા હતા. રાધનપુર બેઠક માટે પેટાચૂંટણી થઇ અને ભાજપની ટિકિટ પર લડેલા અલ્પેશ ઠાકરના પ્રતિસ્પર્ધી ઉમેદવાર કોંગ્રેસના રઘુ દેસાઈ સામે ચૂંટણી હારી ગયા હતા. હાર બાદ પણ પોતાના વિધાનસભા ક્ષેત્રમાં અલ્પેશ ઠાકરો ખુબ જ સક્રિય રહ્યા છે.