સાબરકાંઠામાં બે દિવસ પહેલા UGVCLની ટીમે દરોડા દરમિયાન નાની ભાગોળ વિસ્તારમાં 6 સ્થળેથી વીજચોરી ઝડપાઇ હતી જેમાં ભાજપ નેતાનું પણ નામ આવ્યું સામે
સાબરકાંઠામાં વીજચોરી ઝડપાઇ
ભાજપના પ્રમુખ વીજચોરી કરતા ઝડપાયા
6 સ્થળેથી વીજચોરી ઝડપાઇ
સાબરકાંઠામાં ભાજપ નેતા વીજચોરી કરતા ઝડપાયા છે. પ્રાંતિજમાં શહેર ભાજપના પ્રમુખ નિત્યાનંદ બ્રહ્મભટ્ટ વીજચોરી કરતા ઝડપાયા હોવાનું સામે આવ્યું છે. બે દિવસ પહેલા UGVCLની ટીમે દરોડા પાડ્યા હતા. ત્યારે નાની ભાગોળ વિસ્તારમાં 6 સ્થળેથી વીજચોરી ઝડપાઇ હતી. જેમાં કુલ રૂ.15 લાખની વીજચોરી કરી હોવાનું સામે આવ્યું હતું. નિત્યાનંદ બ્રહ્મભટ્ટ નગરપાલિકાના પ્રમુખ પણ રહી ચૂક્યા છે.
તો ગઈકાલે સાબરકાંઠાના હિંમતનગરમાં પેટ્રોલ પંપ પર કર્મચારીએ ચોરી કરી હોવાની પણ ઘટના સામે આવી હતી. જેમાં પંપના કર્મચારીએ મિત્ર સાથે મળીને રૂપિયા 1 લાખ 40 હજારની ચોરી કરી હતી. પેટ્રોલ પંપના બાથરૂમ પાસેના CCTVના વાયરો કાપી ઓફિસની તિજોરીમાંથી ચોરી કર્યાનો ખુલાસો થયો હતો. જે અંગે પેટ્રોલ પંપના માલિકે ગાંભોઈ પોલીસ સ્ટેશનમાં ફરિયાદ નોંધાવી હતી. ગાંભોઈ પોલીસે ગુનો નોંધીને વધુ કાર્યવાહી હાથ ધરી છે.