ભાજપનું NRC અને CAA મિસકોલ અભિયાન સુરતના શિક્ષક માટે માથાનો દુખાવો બન્યું છે. કારણ કે, સોશિયલ મીડિયામાં ભાજપના નંબરની જગ્યાએ સુરતના એક શિક્ષનો નંબર સોશિયલ મીડિયામાં વાયરલ થઈ છે.
CAAના સમર્થનમાં ભાજપે શરૂ કર્યુ છે મિસ્ડકોલ અભિયાન
મિસ્ડકોલ અભિયાન સુરતના શિક્ષક માટે બન્યુ માથાનો દુખાવો
ભાજપના નંબરથી માત્ર બે આંકડો અલગ છે શિક્ષકનો નંબર
નાગરિકતા સંશોધન કાયદાના સમર્થનમાં ભાજપ દ્વારા મિસ્ડકોલ અભિયાન શરૂ કરવામાં આવ્યો છે. ભાજપ દ્વારા શરૂ કરવામાં આવેલ અભિયાન સુરતના શિક્ષક માટે માથાનો દુખાવો બન્યો છે. આ અભિયાનથી શિક્ષક કંટાળી ગયા છે કારણ કે, કોઈએ આ અભિયાનમાં તેમનો નંબર સોશિયલ મીડિયામાં વાયરલ કરી દીધો છે.
શું છે ભાજપનો નંબર
ભાજપના મિસ્ડકોલ અભિયાનનો 8866288662 નંબર છે સુરતના શિક્ષક ઉપર અભિયાન શરૂ થયુ ત્યારથી અત્યારસુધીમાં 200 મીસકોલ મિસકોલ આવી ચૂક્યા છે. શિક્ષકનું નામ હરેશ કોટડિયા છે.
સોશિયલ મીડિયામાં ભળતો નંબર થયો છે વાયરલ
ભાજપ દ્વારા જાહેર કરવામાં આવેલા નંબરથી શિક્ષકનો માત્ર બે આંકડાનો અલગ નંબર છે. જેના કારણે છેલ્લા બે દિવસથી શિક્ષકને 200થી વધુ લોકોએ મિસ્ડકોલ કર્યા છે. દેશભરમાંથી શિક્ષકને ફોન આવી રહ્યા છે. ભાજપ દ્વારા કાયદાના સમર્થનમાં નંબર જાહેર કરવામાં આવ્યો છે. ભાજપ દ્વારા જે નંબર જાહેર કરવામાં આવ્યો છે, તે નંબરથી માત્ર બે આંકડા જ અલગ શિક્ષકનો નંબર છે. જેના કારણે હવે શિક્ષકને સમસ્યાનો સામનો કરવો પડી રહ્યો છે.