ભૂલથી બોલ્યાં પહેલા લોટ 22 રુપિયા લીટર મળતો હવે 40 રુપિયે લીટર
લોકોએ ભૂલ બદલ રાહુલ ગાંધીની ઉડાવી મજાક
વીડિયો વાયરલ થયો
દિલ્હીના રામલીલા મેદાનમાં કોંગ્રેસે મોંઘવારી અને બેરોજગારીની સામે હલ્લાબોલી રેલીનું આયોજન કર્યું હતું. રાહુલ ગાંધીએ પણ હલ્લાબોલ રેલીને સંબોધી હતી પરંતુ પોતાના સંબોધનમાં રાહુલ ગાંધીથી થયેલી એક નાનકડી ભૂલ લોકોએ પકડી પાડી હતી અને તેની જોરદાર મજાક ઉડાવી હતી.
રાહુલ બોલ્યાં- પહેલા લોટ 22 રૂપિયા પ્રતિ લીટર હતો હવે 40 રુપિયા લીટર
રાહુલ ગાંધીના સંબોધનનો એક વીડિયો વાયરલ થઈ રહ્યો છે, જેમાં તે 'પહેલા લોટ 22 રૂપિયા પ્રતિ લીટર હતો, જ્યારે હવે 40 રૂપિયા પ્રતિ લિટર' કહેતો જોવા મળી રહ્યો છે, તેમના આખા સંબોધનનો એક નાનો ભાગ વીડિયો દ્વારા શેર કરવામાં આવી રહ્યો છે. ઉલ્લેખનીય છે કે લોટ સામાન્ય રીતે લીટરમાં નહીં પરંતુ કિલોમાં મળે છે. જોકે રાહુલની આ ભૂલ નાનકડી હતી પરંતુ લોકોએ તો તેમાંથી પણ અર્થ કાઢી લીધો હતો અને તેની મજાક ઉડાવવાનું શરુ કર્યું હતું.
કોંગ્રેસની વિચારધારા દેશને પ્રગતિના પથ પર લાવશે
રાહુલ ગાંધીએ કહ્યું કે કોંગ્રેસ પાર્ટીનો કાર્યકર્તા જ દેશને બચાવી શકે છે. કોંગ્રેસની વિચારધારા દેશને પ્રગતિના પથ પર લાવી શકે છે. સરકારે અમારા માટે રસ્તાઓ બંધ કરી દીધા છે. સંસદનો રસ્તો બંધ કરી દીધો. સંસદમાં વિપક્ષનું માઈક બંધ હોય છે, અમને બોલવા દેવામાં આવતું નથી. ચૂંટણી પંચ, ન્યાયતંત્ર પર દબાણ છે. એટલા માટે જનતાની વચ્ચે જઈને જનતાએ દેશનું સત્ય કહેવું પડશે. એટલા માટે કોંગ્રેસ પાર્ટી ભારત જોડો યાત્રા શરૂ કરી રહી છે.
#WATCH Congress MP Rahul Gandhi talks about price rise in petrol, diesel and Atta, during the party's 'Halla Bol' rally against inflation pic.twitter.com/qpf1Mg7pTv
27 કરોડ લોકોને ગરીબીમાંથી બહાર કાઢ્યા
રાહુલ ગાંધીએ કહ્યું કે અમે યુપીએ સરકારના શાસનમાં 27 કરોડ લોકોને ગરીબીમાંથી બહાર કાઢ્યા. આ રાઇટ ટુ ફૂડ, મનરેગા, લોન માફીની યોજનાઓ દ્વારા કરવામાં આવ્યું હતું. પરંતુ હવે મોદી સરકારે 23 કરોડ લોકોને ફરી ગરીબીમાં મૂકી દીધા છે. અમે 10 વર્ષમાં જે કર્યું, તે 8 વર્ષમાં પૂર્ણ કર્યું. ભાજપ અને આરએસએસ પર રાહુલ ગાંધીના પ્રહાર
રેલીને સંબોધિત કરતા રાહુલ ગાંધીએ ભારતીય જનતા પાર્ટી અને રાષ્ટ્રીય સ્વયંસેવક સંઘ પર નિશાન સાધતા કહ્યું કે તમે દેશની સ્થિતિ જોઈ રહ્યા છો, દેશમાં જે થઈ રહ્યું છે તે તમારાથી છુપાયેલું નથી, જ્યારથી ભાજપની સરકાર આવી છે, નફરત અને ગુસ્સો વધી રહ્યો છે. રાહુલે કહ્યું કે નફરત કોણ કરે છે, જે પણ ડરે છે, તેના દિલમાં નફરત છે. જે ડરતો નથી તેના હૃદયમાં નફરત નથી. ગાંધીએ કહ્યું કે ભાજપ અને આરએસએસના નેતાઓ દેશના ભાગલા પાડે છે અને જાણી જોઈને લોકોમાં ભય પેદા કરે છે.
कांग्रेस के मित्रो, राजकुमार को सुनकर आपको “किलो” में आंसू आते हैं या “लीटर” में? #JustAsking
ભાજપે કહ્યું, કોંગ્રેસના મિત્રો, રાજકુમારને સાંભળીને તમને કિલોમાં આવતા હશેને આંસૂ
ભાજપે પણ રાહુલ ગાંધીની નજીવી ભૂલને મોટું રુપ આપ્યું હતું. ભાજપે ટ્વિટ કરીને કહ્યું કે, કોંગ્રેસના મિત્રો, રાજકુમારને સાંભળીને તમને કિલોમાં આંસૂ આવે છે કે લીટરમાં.