ધમધમાટ / ભાજપ પ્રદેશ પ્રમુખ સી.આર પાટીલની અધ્યક્ષતામાં કિસાન મોરચાની બેઠક, વિધાનસભા ચૂંટણીની નક્કી થશે રૂપરેખા

• ભાજપના કિસાન મોરચાની આજે બેઠક
• સી.આર.પાટીલની અધ્યક્ષતામાં બેઠક
• ચૂંટણી સુધીના કાર્યક્રમની રૂપરેખા નક્કી થશે

ગુજરાત વિધાનસભાની ચૂંટણીને લઇને રાજકીય દિગ્ગજો ગુજરાત આવી રહ્યા છે. દરેક પાર્ટીઓ પોતાનુ શ્રેષ્ઠ આપવા માટે જોરશોરથી પ્રચાર પ્રસાર કરી રહી છે. ત્યારે ભાજપ દ્વારા ચૂંટણીને લઇને બેઠકોનો ધમધમાટ શરુ કરવામાં આવ્યો છે. આજે ભાજપના કિસાન મોરચાની બેઠક મળશે.  પ્રદેશ ભાજપ પ્રમુખ સી.આર પાટીલની અધ્યક્ષતામાં આ બેઠક મળવા જઇ રહી છે જેમાં ચૂંટણી સુધીના કાર્યક્રમની રુપરેખા નક્કી થશે. 

 ભાજપ કિસાન મોરચાની બેઠક

ગુજરાત વિધાનસભાની ચૂંટણીની તારીખો જાહેર થઇ નથી પરંતુ ભાજપ દ્વારા દરેક લેવલે ચૂંટણીની તૈયારીઓ શરુ કરી દેવામાં આવી છે. દરેક બૂથ પર કિસાન મોરચા દ્વારા કિસાન સંયોજકની નિમણૂંક કરવામાં આવશે.  પ્રાકૃતિક ખેતીના પ્રચાર અને પ્રસાર પર કામ કરશે. આ ઉપરાંત કૂવા રિચાર્જ અને તળાવ સફાઇ અભિયાન પણ ચલાવવામાં આવશે. આ ઉપરાંત કિસાન મોરચા દ્વારા પક્ષીઘરની સફાઇ તથા ચણ પણ ઉઘરાવવામાં આવશે..

રાજ્ય સરકાર પ્રાકૃતિક ખેતીને આપી રહી છે પ્રોત્સાહન

 મહત્વનું છે કે રાજ્ય સરકાર પ્રાકૃતિક ખેતીને પ્રોત્સાહન આપવા એક્શનમાં દેખાઇ રહી છે.  મુખ્યમંત્રીની અધ્યક્ષતમાં મળી કૃષિ વિભાગની બેઠક મળી હતી. ગાંધીનગરમાં મુખ્યમંત્રી નિવાસસ્થાને બોલાવાયેલી આ બેઠકમાં રાજ્યપાલ અને કૃષિમંત્રી રાઘવજી પટેલ પણ ઉપસ્થિત રહ્યા હતા. પ્રાકૃતિક ખેતીને પ્રોત્સાહન આપતી યોજનાઓની પણ સમીક્ષા કરવામાં આવી હતી. મહત્વનું છે કે  રાજ્યમાં પ્રાકૃતિક ખેતીના વિકાસ માટે રાજ્ય સરકાર દ્વારા પ્રયાસો હાથ ધરવામાં આવ્યા છે. રાજ્યમાં રાસાયણિક ખાતરોના સ્થાને ગૌમુત્ર આધારિત સુભાષ પાલેકર પ્રાકૃતિક ખેતીનો પ્રચાર અને પ્રસાર ગુજરાતના રાજ્યપાલ આચાર્ય દેવવ્રતજી દ્વારા થઇ રહ્યો છે. 

વન ડે વન ડિસ્ટ્રીક્ટ કાર્યક્રમ યોજાયો હતો

મહત્વનું છે કે  ગુજરાત વિધાનસભાની ચૂંટણી જેમ જેમ નજીક આવી રહી છે તેમ તેમ ભાજપ પ્રદેશ અધ્યક્ષ સી.આર પાટીલનો પ્રવાસ પણ વધી રહ્યો છે. સુરતમાં વન ડે વન ડિસ્ટ્રીક્ટ કાર્યક્રમ યોજાયો હતો. જેમાં મોટી સંખ્યામાં કાર્યકર્તાઓ ઉમટી પડ્યા હતા. આ કાર્યક્રમ દરમિયાન સંબોધન કરતા જણાવ્યું હતું કે અમે 2022ના લક્ષ્ય તરફ આગળ વધી રહ્યા છીએ. મોદીજીના અશ્વમેઘને રોકવાની કોઇની તાકાત નથી.ભાજપનો કાર્યકર ભાજપની હાકલ પડે અને નીકળી પડે છે. ગુજરાત ભાજપે કાર્યકરોને 3 દિવસનું વેકેશન આપ્યું છે પરંતુ  કોઈ કાર્યકર રજા ઉપર ન હતો.ચૂંટણીએ સમયે રજા પાડે એ ભાજપના કાર્યકરને લોહીમાં નથી.