જાહેરાત / બિહાર વિધાનસભા ચૂંટણી: ભાજપ-JDUમાં 50-50 ટકા સીટની ડીલ, નીતિશ કુમાર થયા રાજી!

• બિહાર વિધાનસભા ચૂંટણી
• આજે થઇ શકે છે સીટ ફાળવણીની જાહેરાત
• ભાજપ-JDUમાં 50-50 ટકા સીટની ડીલ

નીતિશ કુમારે દાવેદારીને લઈને છોડી જીદ

નીતિશ કુમાર છેલ્લા કેટલાક દિવસોથી જિદ પર અડી ગયા હતા કે જનતા દળ ભાજપથી વધુ સીટ પર ચૂંટણી લડશે. પણ આખરે તેઓએ જીદ છોડી. નક્કી ફોર્મ્યુલાના આધારે જેડીયૂ 122 સીટ પર ભારતીય જનતા પાર્ટી 121 સીટ પર ચૂંટણી લડશે. જેડીયૂ ભાજપની અનેક પરંપરાગત સીટ પર પણ દાવેદારી કરી રહી હતી પરંતુ હવે તેણે આ માંગ પણ છોડી દીધી છે. 

दिल्ली: केंद्रीय गृह मंत्री अमित शाह भाजपा के राष्ट्रीय अध्यक्ष जे.पी. नड्डा के घर पहुंचे। यहां पर #BiharElections पर एक बैठक चल रही है। pic.twitter.com/hTmPvCApHF

— ANI_HindiNews (@AHindinews) October 4, 2020

માંઝીને પોતાના કોટાથી સીટ આપશે જેડીયૂ
જીતન રામ માંઝીની હિન્દુસ્તાની આવામ મોર્ચાને નીતિશ કુમારની પાર્ટી પોતાના કોટામાંથી સીટ આપશે જ્યારે લોક જનશક્તિ પાર્ટીને ભાજપ પોતાના કોટામાંથી સીટ આપશે. જો ભાજપ લોક જનશક્તિ પાર્ટીને પોતાના કોટામાંથી સીટ ત્યારે જ આપે જો ચિરાગ પાસવાન એનડીએનો ભાગ બની રહે. સીટની વહેંચણીને લઈને ચિરાગ પાસવાને પણ કડક વલણ અપનાવ્યું હતું અને એકલા 143 સીટ પર ચૂંટણી લડવાના સંકેત પણ આપી ચૂક્યા છે. 

શનિવારે યોજાઈ હતી 4 કલાક લાંબી મેરાથન બેઠક

ભાજપ અને જેડીયૂ વચ્ચે છેલ્લી વાતચીત શનિવારે પટનામાં થઈ હતી. શનિવારે જેડીયૂના 4 મોટા નેતા લલન સિંહ, આરસીપી સિંહ, વિજય ચોધરી અને બિજવેન્દ્ર યાદવે દેવેન્દ્ર ફડણવીસ, ભૂપેન્દ્ર યાદવની સાથે 4 કલાક લાંબી મેરાથન બેઠક કરી હતી. નીતિશ કુમારના દબાવમાં ભાજપ નમવા તૈયાર ન હતી. પરંતુ આખરે શનિવારે નીતિશ કુમારે જીદ છોડી હતી. 

दिल्ली: बिहार चुनाव पर हो रही बैठक में हिस्सा लेने के लिए बिहार के उपमुख्यमंत्री सुशील मोदी, केंद्रीय गृह राज्‍य मंत्री नित्यानंद राय और बिहार बीजेपी प्रभारी भूपेंद्र यादव भाजपा के राष्ट्रीय अध्यक्ष जगत प्रकाश नड्डा के आवास पर पहुंचे। pic.twitter.com/5aHv7nrC21

— ANI_HindiNews (@AHindinews) October 4, 2020

આ રીતે 3 ચરણમાં થશે મતદાન

ઉલ્લેખનીય છે કે પહેલા ચરણના મતદાન માટે 1 ઓક્ટોબરથી નામાંકન પ્રક્રિયા શરૂ થઈ છે. અત્યાર સુધી એનડીએમાં સીટની ભાગીદારીને લઈને કોઈ નિર્ણય લેવાયો ન હતો તેનાથી અસમંજસની સ્થિતિ બની હતી. છેલ્લા કેટલાક દિવસોથી ભાજપ અને જેડીયૂમાં સીટની ભાગીદારીને લઈને અનેક પ્રકારની વાતચીત થઈ છે. બિહારમાં 28 ઓક્ટોબરથી 3 ચરણમાં મતદાન થશે અને તેના પરિણામ 10 નવેમ્બરે આવશે.