મિશન 2024 / લોકસભા ચૂંટણીને લઇ ભાજપ એક્શન મોડમાં: બોલાવી તમામ રાજ્યોના CM-Dy CMની બેઠક

• લોકસભા ચૂંટણીને લઈ રાજકીય પક્ષો કવાયતમાં લાગ્યા
• BJPના કેન્દ્રીય નેતૃત્વએ 11 જૂને નવી દિલ્હીમાં બેઠાક બોલાવી 
• ભાજપ શાસિત રાજ્યોના મુખ્યમંત્રીઓ-નાયબ મુખ્યમંત્રીઓની બોલાવી બેઠક

લોકસભા ચૂંટણીને લઈ અત્યારથી જ રાજકીય પક્ષો કવાયતમાં લાગ્યા છે. આ દરમિયાન હવે BJPના કેન્દ્રીય નેતૃત્વએ 11 જૂને નવી દિલ્હીમાં ભાજપ શાસિત રાજ્યોના મુખ્યમંત્રીઓ અને નાયબ મુખ્યમંત્રીઓની બેઠક બોલાવી છે. ન્યૂઝ એજન્સી ANIએ પાર્ટીના સૂત્રોને ટાંકીને આ અંગેની માહિતી આપી છે. પાર્ટીના સૂત્રોના જણાવ્યા અનુસાર, બેઠકનો એજન્ડા આગામી વિધાનસભા ચૂંટણી અને 2024ની લોકસભા ચૂંટણી પર સંભવિત છે. કેન્દ્રીય મંત્રી અમિત શાહ, પાર્ટી અધ્યક્ષ જેપી નડ્ડા અને બીએલ સંતોષ સહિત રાજ્ય સંગઠન સચિવો બેઠકમાં હાજર રહેશે તેવી શક્યતા છે. 

ભાજપના એક સૂત્રએ એએનઆઈને જણાવ્યું હતું કે, ભાજપના વડા જેપી નડ્ડાએ ટિફિન મીટમાં પાર્ટીના નવા અને જૂના કાર્યકરોને એક મહત્વપૂર્ણ મંત્ર આપ્યો અને પાર્ટીના કાર્યકરોને કહ્યું કે, તેઓએ જમીન પર વળગી રહેવું પડશે અને લોકોના દિલ જીતવા માટે અલગ અલગ વસ્તુઓ કરવી પડશે. જુદી જુદી રીતો શોધવી પડશે. આ પ્રસંગે જેપી નડ્ડાએ પાર્ટી કાર્યકર્તાઓને સ્વ-શિસ્ત અને એકબીજા સાથે એકતા રહેવા વિનંતી કરી. પાર્ટીના એક સૂત્રના જણાવ્યા અનુસાર બીજેપી અધ્યક્ષે કાર્યકર્તાઓને કહ્યું કે, આપણા બધા માટે ઘમંડ છોડવા અને આપણી જવાબદારી સુનિશ્ચિત કરવા માટે સ્વ-શિસ્ત ખૂબ જ મહત્વપૂર્ણ છે.

BJP calls meeting of CMs and Deputy CMs in wake of 2024 Lok Sabha elections

Read @ANI Story | https://t.co/QPc64OaO68#BJP #GeneralElections #Nadda pic.twitter.com/fvcvuh9PRU

— ANI Digital (@ani_digital) June 8, 2023

શું કહ્યું ભાજપ અધ્યક્ષે ? 
ભાજપ અધ્યક્ષે પાર્ટી કાર્યકર્તાઓને કહ્યું કે, ખેડૂતોનો મુદ્દો, દીકરી બચાવો કે અન્ય સામાજિક મુદ્દા જેવા કોઈપણ સળગતા મુદ્દામાં સૌથી મહત્વની બાબત એ છે કે, જો કોઈ કે વિપક્ષ હુમલો કરવાનો કે પ્રશ્ન કરવાનો પ્રયાસ કરે છે, તો દરેકને આ અંગે જાગૃત કરવામાં આવે. વ્યક્તિએ તેમને નમ્રતાથી હેન્ડલ કરવાનો પ્રયાસ કરવો જોઈએ અને તેમને ખાતરી આપવી જોઈએ કે, ભાજપ હંમેશા સમાજની સાથે છે અને પક્ષ સમાજના કલ્યાણ માટે કામ કરે છે. ક્યારેય કોઈના પ્રત્યે આક્રમક ન બનો. BJPના રાષ્ટ્રીય અધ્યક્ષ નડ્ડાએ એ પણ ઉલ્લેખ કર્યો કે, પાર્ટીએ ગરિમા સાથે તેની સ્થિતિ જાળવી રાખવી જોઈએ અને જન કલ્યાણ પર ધ્યાન કેન્દ્રિત કરવું જોઈએ.

2 કલાક સુધી ચાલી બેઠક
જેપી નડ્ડાએ 2 કલાક સુધી ચાલેલી બેઠકમાં કહ્યું, અમે માત્ર ભારતની સૌથી મોટી પાર્ટી નથી, દુનિયાની સૌથી મોટી પાર્ટી પણ છીએ. આપણે ચીનની કોમ્યુનિસ્ટ પાર્ટી કરતા મોટા છીએ, તેથી આપણે એકજૂટ રહીને ગૌરવ સાથે આપણું સ્થાન જાળવી રાખવું પડશે અને હંમેશા લોકોના કલ્યાણ માટે કામ કરવું પડશે. દરરોજ આપણે નવા લોકો સાથે જોડાવાનો પ્રયત્ન કરવો જોઈએ. ભાજપના રાષ્ટ્રીય અધ્યક્ષ જેપી નડ્ડા સાથેની આ ટિફિન પે ચર્ચામાં ભાજપના પ્રદેશ અધ્યક્ષ ભૂપેન્દ્ર ચૌધરી, સ્થાનિક પાર્ટીના સાંસદ મહેશ શર્મા અને ધારાસભ્ય પંકજ સિંહ સહિત પક્ષના તમામ કાર્યકરો અને ગૌતમ બુદ્ધ નગરના પદાધિકારીઓ હાજર રહ્યા હતા.