એક્શન / VTVના અહેવાલની અસરઃ જશુ ભીલના વાયરલ વીડિયો બાદ ભાજપ એકશનમાં, 6 વર્ષ માટે કર્યા બરતરફ 

• VTVના અહેવાલ બાદ ભાજપ એક્શન મોડમાં 
• ભાજપે જશુભાઈ ભીલને 6 વર્ષ માટે કર્યા બરતરફ 
• સી.આર.પાટીલના આદેશ બાદ કરાયા બરતરફ 

ભાજપે જશુભાઈ ભીલને 6 વર્ષ માટે કર્યા બરતરફ 

ગુજરાતમાં ભરતીમાં ભ્રષ્ટાચાર મામલે વધુ એક નેતાનો વિડીયો વાયરલ થતા વિવાદના વમળ પેદા થયા હતાં. સોશિયલ મીડિયામાં ભાજપના પૂર્વ અગ્રણીનો કથિત વીડિયો વાયરલ થતા જ છોટા ઉદેપુર પંથકમાં ખળભળાટ વ્યાપી ગયો છે. આ આખીય ઘટનામાં ભાજપના પૂર્વ જિલ્લા પ્રમુખ જશુભાઈ ભીલ પર ભ્રષ્ટાચારનો આરોપ લાગ્યા છે. જેને પગલે ભારતીય જનતા પાર્ટી એક્શન મોડમાં આવી ગઈ છે. વિડીયો વાયરલ થયા બાદ ભાજપના પ્રદેશ પ્રમુખ સી.આર.પાટીલે  અનુ. જન જાતિ મોરચામાંથી છ વર્ષ માટે બરતરફ કર્યા  છે  

જશુભાઈ ભીલના ભ્રષ્ટાચારનો વિડીયો વાયરલ થતાં ખળભાળટ મચી ગયો 

ભાજપનાં પૂર્વ નેતા જશુભાઈ ભીલનાં કથિત ભ્રષ્ટાચારનો વિડીયો વાયરલ થતા ગાંધીનગર સુધી તેના પડઘા પડે તેવી સંભાવનાઓને નકારી શકાતી નથી. જસુભાઈ ભીલ અગાઉ એસ.ટી. નિગમમાં  ડિરેકટર રહી ચૂક્યા છે. તેઓના ડીરેક્ટર પદ વખતે,તેઓએ એસ.ટી બસના કંડકટર ભરતી માટે નાણા પડાવ્યાનો ઉલ્લેખ આ વિડીયોમાં કરવામાં આવ્યો છે. સમગ્ર ઘટના ત્યારે ભાર આવી જ્યારે ભરતીમાં નામ ન આવતા એક ઉમેદવાર નાણા પરત લેવા પહોચ્યો હતો.તો જશુભાઈ ભીલે  ઉમેદવાર પાસેથી લેવાયેલી રકમ  ઉચ્ચ કક્ષાએ આપ્યા હોવાનો કર્યો દાવો કર્યો છે. આ ઉચ્ચ કક્ષા એટલે કોણ ? તેનો ખુલાસો થતા જ કેટલાય મોટા માથાઓ સંડોવાય તેવી આશંકા પ્રવર્તી રહી છે. હવે જોવાનું એ રહે છે કે, જશું ભીલે આ નાણા કોણે -કોણે આપ્યા છે. કેટલી વખત અને કેટલા નાણા આપ્યા છે? તેનો ખુલાસો રાજ્ય સરકાર કરાવી શકે તેમ છે કે કેમ ? તેના પર આધાર રાખે છે. 

શું છે સમગ્ર મામલો  છે ? 

સોશિયલ મીડિયામાં ભાજપના પૂર્વ અગ્રણીનો કથિત વીડિયો વાયરલ થતા જ છોટા ઉદેપુર પંથકમાં ખળભળાટ વ્યાપી ગયો છે. છોટાઉદેપુર જિલ્લા ભાજપના પૂર્વ પ્રમુખનો ભ્રષ્ટાચાર  ખુલ્લો પડતા સનસનાટી વ્યાપી ગઈ છે. લોકડાઉન દરમિયાન બનાવેલો વીડિયો તાજેતરમાં વાયરલ થતા,વિવાદ હવે ઘેરો બન્યો છે.  આ વાયરલ વિડીયોમાં અરજદાર કાકલૂદી કરતા કહે છે કે, મે વ્યાજે પૈસા લઈને આપ્યા હતા. બે વર્ષ થઇ ગયા, ભરતી પણ થઇ ગઈ.આમ છતાં કઈ થયું નહિ. તમે મારા ફોન પણ નથી ઉંચકતા. જવાબમાં જશુભાઈ કહે છ કે, 'મારે થોડા પૈસા રાખવાના છે. મેતો આપી દીધા છે. હવે તું મને યાદ કરાવજે.' હું ગાંધીનગર જવાનો છું.