રાજનીતિ / લોકસભા ચૂંટણીમાં ગુજરાતની તમામે તમામ બેઠક જીતવા ભાજપનો લક્ષ્યાંક નિર્ધારિત, માસ્ટર પ્લાન તૈયાર

• લોકસભા ચૂંટણીને લઇ ભાજપનો લક્ષ્યાંક
• તમામ 26 બેઠક જીતવા લક્ષ્યાંક
• અમૂક હોદ્દેદારોને મળશે મહત્વની જવાબદારી

દિલ્હીમાં ભાજપની રાષ્ટ્રીય કાર્યકારિણીની બેઠક પૂર્ણ થયામાં હવે ગુજરાત પ્રદેશની કારોબારી બેઠક સુરેન્દ્રનગર ખાતે યોજાઈ છે. આજે બેઠકનો બીજો દિવસ છે. સુરેન્દ્રનગરમાં ભાજપ અધ્યક્ષ સી.આર પાટીલની અધ્યક્ષતામાં ચાલી રહેલી કારોબારી બેઠકમાં આગામી લોકસભાની ચૂંટણી અંગે ચર્ચા કરવામાં આવી. આ ઉપરાંત આ બેઠકમાં ભાજપે તમામ બેઠક જીતવા લક્ષ્યાંક નિર્ધારિત કર્યો છે.

સુરેન્દ્રનગર ખાતે પ્રદેશ સહ પ્રભારી શ્રી @mpsudhirgupta જી અને પ્રદેશ અધ્યક્ષ શ્રી @CRPaatil ની અધ્યક્ષતામાં તેમજ પ્રદેશ સંગઠન મહામંત્રી શ્રી @ratnakar273 જીની વિશેષ ઉપસ્થિતિમાં આયોજિત ભારતીય જનતા પાર્ટીની પ્રદેશ કારોબારી બેઠકનો શુભારંભ દીપપ્રાગટ્ય અને 'વંદે માતરમ્'ના ગાનથી થયો. pic.twitter.com/MoFs4tR4cz

— BJP Gujarat (@BJP4Gujarat) January 24, 2023

ભાજપે તમામ બેઠક જીતવા લક્ષ્યાંક નિર્ધારિત કર્યો
ગુજરાત વિધાનસભા ચૂંટણી 2022માં ભાજપે રેકોર્ડ બ્રેક 156 બેઠકો જીતને રાજકારણમાં નવો ઇતિહાસ બનાવ્યો છે. ગુજરાતમાં ચૂંટણી જીત્યા બાદ હવે ભાજપે લોકસભા મિશન-2024 માટે તૈયારીઓ શરૂ કરી દીધી છે. પ્રદેશ ભાજપ દ્વારા લોકસભાની 26માંથી 26 બેઠક મેળવવાનો લક્ષ્યાંક નિર્ધારીત કરાયો છે. લોકસભા ચૂંટણીમાં વિપક્ષની ડિપોઝિટ જપ્ત કરવાનો લક્ષ્યાંક નિર્ધારીત કરવામાં આવ્યો છે. આજે પ્રદેશ કારોબારી બેઠકના બીજા દિવસે આ લક્ષ્યાંક પાર પાડવા ચર્ચા થશે. આગમી સમયમાં આ માટે કેટલાક હોદેદારોને મહત્વની જવાબદારી મળી શકે છે.

સુરેન્દ્રનગર ખાતે આયોજિત ભારતીય જનતા પાર્ટીની પ્રદેશ કારોબારી બેઠકમાં પ્રદેશ પદાધિકારીશ્રીઓ, અપેક્ષિત જિલ્લા પ્રમુખશ્રીઓ અને પ્રભારીશ્રીઓ તેમજ અપેક્ષિત ધારાસભ્યશ્રીઓ સહિત કારોબારી સભ્યોએ રજિસ્ટ્રેશન કરાવ્યું. pic.twitter.com/myI2D8yI04

— BJP Gujarat (@BJP4Gujarat) January 23, 2023

ભાજપને હેટ્રિક કરવામાં વધારે મુશ્કેલી નહીં પડે
આપને જણાવી દઈએ કે, તાજેતરમાં યોજાયેલી ગુજરાત વિધાનસભાની ચૂંટણીમાં ભાજપે 156 હેઠકો જીતી છે. આ 156 બેઠકો જીત્યા બાદ ભૌગોલિક રીતે જોઇએ તો ગુજરાતની 26 લોકસભા બેઠકોમાં ભાજપને હેટ્રિક કરવામાં વધારે મુશ્કેલી નહીં પડે. તેની સામે કોંગ્રેસનું મનોબળ ખૂબ તૂટેલું હશે એ વાતની પણ કોઈ શંકા નથી.

ભાજપ કરી રહી છે તનતોડ મહેનત
જો કે, સૌથી મહત્વપૂર્ણ બાબત એ છે કે વર્ષ 2024ની લોકસભાની ચૂંટણી પહેલા વિવિધ નવ રાજ્યોમાં વિધાનસભાની ચૂંટણી યોજાશે જેની મોટી અસર થશે. આ રાજ્યોમાં યોજાનારી વિધાનસભાની ચૂંટણીઓમાં પણ ભાજપ ગુજરાત ચૂંટણી વખતે બનાવવામાં આવેલી રણનીતિ મુજબ જ કામ કરશે અને ગુજરાત મોડલનો પ્રયોગ દોહરાવીને અન્ય રાજ્યોમાં પણ મોટી સંખ્યામાં બેઠકો કબજે કરી લે તેવી શક્યતાઓ છે. આ ઉપરાંત જે રાજ્યોમાં વર્તમાન સમયમાં ભાજપ સત્તા પર નથી એવા રાજ્યોમાં પણ આ વખતે ભાજપ સત્તા પ્રાપ્ત કરી શકે છે. 

આ રાજ્યોમાં યોજાશે વિધાનસભાની ચૂંટણી
આ વર્ષે રાજસ્થાન, છત્તીસગઢ, મધ્યપ્રદેશ, કર્ણાટક, તેલંગાણા, ત્રિપુરા, મેઘાલય, નાગાલેન્ડ અને મિઝોરમમાં વિધાનસભા ચૂંટણી થવાની છે. રાજસ્થાન અને છત્તીસઢમાં હાલ કોંગ્રેસની સરકાર છે. કોંગ્રેસ મુક્ત ભારતના નારા સાથે ભાજપ આ બે રાજ્યોમાંથી પણ કોંગ્રેસને મુક્ત કરવાની તૈયારીઓમાં લાગી ગઈ છે.