મોટા સમચાર / જમ્મુ-કાશ્મીર માટે ભાજપની સ્ટાર પ્રચારકોની યાદી જાહેર, PM મોદી સહિત 40 નેતાઓના નામ સામેલ

જમ્મુ-કાશ્મીર વિધાનસભા ચૂંટણીના બીજા તબક્કા માટે ભાજપે સ્ટાર પ્રચારકોની યાદી જાહેર કરી છે. આ યાદીમાં પીએમ નરેન્દ્ર મોદી, કેન્દ્રીય મંત્રી જેપી નડ્ડા, અમિત શાહ, રાજનાથ સિંહ, નીતિન ગડકરી, યુપીના સીએમ યોગી આદિત્યનાથ અને રાજસ્થાનના સીએમ ભજનલાલ શર્મા સહિત અન્ય નેતાઓના નામ સામેલ છે.

જમ્મુ-કાશ્મીરની 90 વિધાનસભા સીટો પર 10 વર્ષ બાદ વિધાનસભા ચૂંટણી યોજાવા જઈ રહી છે. ત્રણ તબક્કામાં મતદાન થશે. પ્રથમ તબક્કામાં 24 વિધાનસભા બેઠકો પર 18 સપ્ટેમ્બરે મતદાન થશે, બીજા તબક્કામાં 26 વિધાનસભા બેઠકો પર 25 સપ્ટેમ્બરે મતદાન થશે અને છેલ્લા તબક્કામાં 40 વિધાનસભા બેઠકો પર 1 ઓક્ટોબરે મતદાન થશે.