પંજાબ, ઉત્તરાખંડ અને યુપી સહિતનાં પાંચ રાજ્યોમાં ચૂંટણીના પડઘમ વાગી ચૂક્યા છે. ત્યારે વધુ એક વખત ગુજરાતના બે મોટા ગજાના નેતાઓને ભાજપ હાઈકમાંડે મહત્વની જવાબદારી સોંપી છે.
ગુજરાતના બે સાંસદોને મળી મોટી જવાબદારી
વિનોદ ચાવડા પંજાબમાં સહપ્રભારી બન્યા
દર્શનાબેન જરદોશને ગોવાના સહપ્રભારી બનાવાયા
વર્ષ 2022માં ભારતમાં મોટા રાજ્યોમાં વિધાનસભા ચૂંટણી થવા જઈ રહી છે. ઉત્તર પ્રદેશ અને ગુજરાત રાજ્ય આખા દેશની રાજનીતિ પર અસર નાંખે છે. જોકે ગુજરાતમાં વર્ષનાં અંતે ચૂંટણી આવશે જ્યારે પંજાબ, ઉત્તરાખંડ અને યુપી સહિતનાં પાંચ રાજ્યોમાં વર્ષની શરૂઆતમાં જ ચૂંટણી થવા જઈ રહી છે ત્યારે ભારતીય જનતા પાર્ટી ચૂંટણીનાં મિશન મોડમાં આવી ગઈ છે. ભારતીય જનતા પાર્ટીએ પાંચ રાજ્યોમાં આગામી વિધાનસભા ચૂંટણી માટે જવાબદારીની સોંપણી કરી દેવામાં આવી છે. જેમા ગુજરાતના બે સાંસદોને મોટી જવાબદારી મળી છે.
કચ્છના સાંસદ વિનોદ ચાવડાને પંજાબમાં સહપ્રભારી બનાવવામાં આવ્યા છે તો સુરતના સાંસદ દર્શનાબેન જરદોશને ગોવાના સહપ્રભારી બનાવવામાં આવ્યા છે.
વિનોદ ચાવડા પંજાબમાં સહપ્રભારી
કેન્દ્રીય મંત્રી ધર્મેન્દ્ર પ્રધાનને ઉત્તર પ્રદેશનો પ્રભારી બનાવવામાં આવ્યા છે જ્યારે અનુરાગ ઠાકુર તેમની સાથે સહપ્રભારીનાં રૂપે કામ કરશે. જ્યારે ઉત્તરાખંડની જવાબદારી પ્રહલાદ જોશીને આપવામાં આવી છે. પંજાબમાં કોંગ્રેસની અંદર મોટો વિવાદ ચાલી રહ્યો છે અને એવામાં વિધાનસભા ચૂંટણીમાં ભાજપની ખાસ રણનીતિ બનાવવા માટે કેન્દ્રીય મંત્રી ગજેન્દ્ર સિંઘ શેખાવતને જવાબદારી આપવામાં આવી છે. તેમની સાથે હરદીપ પૂરી, મીનાક્ષી લેખી અને વિનોદ ચાવડા સહપ્રભારી તરીકે કામ કરશે આમ ગુજરાતના કચ્છના સાંસદ વિનોદ ચાવડાને મહત્વની જવાબદારી મળતા પાર્ટીમાં તેમનું કદ વધી ગયું છે.
દર્શનાબેન જરદોશ ગોવાના સહપ્રભારી
અન્ય બે રાજ્યોની વાત કરીએ તો મહારાષ્ટ્રનાં દિગ્ગજ નેતા દેવેન્દ્ર ફડણવીસને ગોવા જ્યારે ભૂપેન્દ્ર યાદવને મણિપુર સોંપવામાં આવ્યું છે. ઉત્તરાખંડના ચૂંટણી પ્રભારી તરીકે પ્રહલાદ જોશીને શિરે જવાબદારી નાખવામાં આવી છે તેમાં હમણાંજ મોદી સરકારમાં રાજ્યમંત્રી તરીકે પસંદ પામેલા દર્શનાબેન જરદોશને ગોવાના સહપ્રભારી તરીકેની જવાબદારી
ત્યારે પાંચ રાજ્યોની ચૂંટણી સાથે 2022માં ગુજરાતની ચૂંટણી પણ આવી રહી છે ત્યારે ગુજરાતમાંથી વિનોદ ચાવડા અને દર્શનાબેન જરદોશને મહત્વની જવાબદારી મળતા આગામી સમયમાં ગુજરાતમાં પણ તેમણે મોટી જવાબદારી સોંપાઈ શકે તેવી પૂરેપૂરી શક્યતા છે.