ભાજપના પ્રદેશ પ્રમુખ સી.આર.પાટીલ ઉત્તર ગુજરાતના પ્રવાસે છે. ત્યારે કોંગ્રેસના કાર્યકારી અધ્યક્ષ હાર્દિક પટેલે પાટીલ પર જોરદાર પ્રહાર કર્યા છે.
ગુજરાતમાં પાટીલ મનફાવે ત્યાં રેલી કરે છેઃ હાર્દિક
"વિદ્યાર્થીઓ ભણવા નથી જઇ શકતા પણ રેલીને મંજૂરી મળે છે"
"સામાન્ય જનતા માટે ભાજપનો ખેસ પાસ બની ગયો છે"
ભાજપના પ્રદેશ પ્રમુખ સી.આર.પાટીલ ઉત્તર ગુજરાતના પ્રવાસે છે. ત્યારે કોંગ્રેસના કાર્યકારી અધ્યક્ષ હાર્દિક પટેલે પાટીલ પર જોરદાર પ્રહાર કર્યા છે. હાર્દિક પટેલે કહ્યું કે ગુજરાતમાં પાટીલ મનફાવે ત્યાં રેલી કરે છે. વિદ્યાર્થીઓને ભણવા જઇ શકતા નથી પરંતુ ભાજપની રેલીને મંજૂરીઓ આપવામાં આવી રહી છે. સામાન્ય જનતા માટે ભાજપનો ખેસ પાસ બની ગયો હોય તેવું લાગી રહ્યું છે.
બનાસકાંઠામાં ભાજપનું કોરોના સ્પ્રેડ અભિયાન
બનાસકાંઠામાં ભાજપનું કોરોના સ્પ્રેડ અભિયાન દેખાઈ રહ્યુ છે. એક એક ગામ ફરી કોરોના સંક્રમણ ફેલાવવાનું અભિયાન હોય તેવું ફળીભૂત થઈ રહ્યું છે. સીઆર પાટીલના સૌરાષ્ટ્ર પ્રવાસ બાદ એક પછી એક નેતા કોરોના પોઝિટિવ સામે આવી રહ્યા છે ત્યારે હવે આ અભિયાનને ઉત્તર ગુજરાતમાં લઈ જવાયું છે. એકઠી થયેલી ભીડ કોરોના ફેલાવવા માટે ચોક્કસ જવાબદાર છે.
રાજકોટમાં હાર્દિક પટેલે મોટો દાવો
રાજકોટમાં હાર્દિક પટેલે મોટો દાવો કર્યો છે. 15 દિવસમાં ભાજપના વધુ સભ્યો કોંગ્રેસમાં જોડાશે. હાર્દિકે કહ્યું કે આગામી સમયમાં રાજકોટમાં કોંગ્રેસનું બોર્ડ બનશે. સંવેદનશીલ સરકારને ખેડૂતોની ચિંતા નથી. રાજકોટમાં ભાજપના વર્તમાન કોર્પોરેટર કોંગ્રેસમાં જોડાયા છે. રાજકોટ ભાજપના વોર્ડ નંબર 5ના કોર્પોરેટર દક્ષા ભેસાણીયા કોંગ્રેસમાં જોડાયા છે.
શહેર ભાજપના પ્રમુખ કમલેશ મિરાણીએ પલટવાર
રાજકોટમાં ભાજપના કોર્પોરેટર કોંગ્રેસમાં જોડાયા છે. જેના લઇને શહેર ભાજપના પ્રમુખ કમલેશ મિરાણીએ પલટવાર કર્યો છે. તેઓ સત્તાની લાલચમાં પક્ષ છોડીને ગયા છે.