અમરેલી જિલ્લા રાજકારણના સૌથી મોટા સમાચાર સામે આવ્યા છે. વિપક્ષના નેતા પરેશ ધાનાણીના કોંગ્રેસના ગઢમાં ફરી ગાબડું પડ્યું છે. ખાંભા કોંગ્રેસના કાર્યકર્તાઓએ ભગવો ધારણ કર્યો છે. તાજેતરમાં ભાજપમાં જોડાયેલા જે. વી. કાકડિયાએ ઓપરેશન પાર પાડ્યું છે
અમરેલી જિલ્લા રાજકારણના સૌથી મોટા સમાચાર
નેતા વિપક્ષના ગઢમાં કોંગ્રેસમાં ફરી ગાબડું
ખાંભા કોંગ્રેસના કાર્યકર્તાઓએ ભગવો ધારણ કર્યો
અમરેલી જિલ્લા રાજકારણના સૌથી મોટા સમાચાર સામે આવ્યા છે. વિપક્ષના નેતા પરેશ ધાનાણીના કોંગ્રેસના ગઢમાં ફરી ગાબડું પડ્યું છે. ખાંભા કોંગ્રેસના કાર્યકર્તાઓએ ભગવો ધારણ કર્યો છે. તાજેતરમાં ભાજપમાં જોડાયેલા જે. વી. કાકડિયાએ ઓપરેશન પાર પાડ્યું છે. જેથી 100 કરતા વધુ કાર્યકર્તાઓનો ભાજપમાં પ્રવેશ થયો છે. ધારી બેઠકની પેટાચૂંટણી પહેલા કોંગ્રેસને મોટો ફટકો પડ્યો છે. આંતરિક વિખવાદને લઇ કોંગ્રેસ છોડ્યાની ચર્ચા છે. ખાંભા તાલુકા કોંગ્રેસના પૂર્વ પ્રમુખ પણ ભાજપમાં જોડાયા છે. ચલાલા ખાતે કોંગ્રેસના કાર્યકર્તાઓએ કેસરિયો ધારણ કર્યો છે. જો કે આ કાર્યક્રમમાં સરેઆમ સોશિયલ ડિસ્ટન્સિંગનો ભંગ કરવામાં આવ્યો હતો.
અમરેલી જિલ્લાની ચાર નગરપાલિકાના પ્રમુખ ઉપપ્રમુખની અઢી વર્ષની મુદત પુર્ણ થતી હોય નવા પ્રમુખ અને ઉપપ્રમુખની વરણી કરવામા આવશે. અમરેલી જિલ્લામા લાઠી, ચલાલા, જાફરાબાદ અને રાજુલા નગરપાલિકાની સામાન્ય ચુંટણી વર્ષ 2018મા યોજાઇ હતી. જેના પ્રમુખ અને ઉપપ્રમુખની અઢી વર્ષની મુદત પુર્ણ થવા જઇ રહી છે. જેને પગલે આગામી અઢી વર્ષની મુદત માટે નવા પ્રમુખ અને ઉપપ્રમુખની વરણી માટે તજવીજ હાથ ધરાઈ છે.
અમરેલીમાં કુલ 9 નગરપાલિકા
અમરેલી જિલ્લામાં અમરેલી નગરપાલિકા, ચલાલા નગરપાલિકા, જાફરાબાદ નગરપાલિકા, દામનગર નગરપાલિકા, બગસરા નગરપાલિકા, બાબરા નગરપાલિકા, રાજુલા નગરપાલિકા, લાઠી નગરપાલિકા, સાવરકુંડલા નગરપાલિકાનો સમાવશે થાય છે.
પેટાચૂંટણી પહેલા જ આ બેઠકો પર પણ થયા છે સત્તા પલટ
કોંગ્રેસે ધડાધડ રાજ્યમાં 2 દિવસમાં 6 નગરપાલિકાઓ પર પોતાનો કબજો જમાવતા ભાજપની ચિંતામાં વધારો થયો હતો. ધોરાજી વિધાનસભા ક્ષેત્રની ધોરાજી, ઉપલેટા, ભાયાવદર અને થરાદ નગર પાલિકા બેઠક પર જીત હાંસલ કરી છે. કોંગ્રેસની આ રીતે જીતને પગલે ભાજપની ચિંતામાં વધારો થયો છે.
વિસાવદર નગરપાલિકા પર 22 વર્ષ પછી ભાજપનું શાસન આવ્યું છે. ત્યારે બીજી તરફ તળાજા અને ખેડબ્રહ્મા નગરપાલિકા ભાજપ પાસેથી કોંગ્રેસે છીનવી લીધી છે. ગુજરાતમાં આજે અનેક પાલિકાઓની અઢી વર્ષની ટર્મ પૂરી થતાં ફરીથી પ્રમુખ અને ઉપપ્રમુખની ચૂંટણી યોજવામાં આવી હતી. ત્યારે ભાજપ માટે બે પાલિકાથી માઠા સમાચાર સામે આવ્યા છે. ખેડબ્રહ્મા પછી ભાવનગરમાં તળાજા પાલિકા પણ કોંગ્રેસે ભાજપ પાસેથી આંચકી લીધી છે. તળાજા પાલિકામાં 25 વર્ષ પછી કોંગ્રેસે સત્તા હાંસલ કરી છે.
ભાજપના અસંતુષ્ટોએ કોંગ્રેસને ટેકો આપ્યો
સૌરાષ્ટ્રના અન્ય એક ભાવનગર જિલ્લાની તળાજા નગરપાલિકામાં પણ ઉલટફેર જોવા મળ્યો હતો. ભાજપના અસંતુષ્ટોને કોંગ્રેસે ટેકો આપી નગરપાલિકા હસ્તગત કરી છે. જેમાં પ્રમુખ તરીકે વિનુભાઇ વેગડ, ઉપપ્રમુખ તરીકે શક્તિસિંહ વાળા ચૂંટાયાં છે. ભાજપે જેમના નામ મેન્ડેટ આપેલા તે બંને સભ્યોનો એક-એક મતથી પરાજય થયો છે.
વિસાવદર નગરપાલિકાના પ્રમુખ-ઉપપ્રમુખની ચૂંટણી
જૂનાગઢ જિલ્લાની વિસાવદર નગરપાલિકામાં પણ ઉલટફેર જોવા મળ્યો હતો. જેમાં વિસાદવર નગરપાલિકામાં 22 વર્ષ પછી ભાજપનું શાસન જોવા મળ્યું છે. કોંગ્રેસના 2 સભ્યોએ ભાજપને સમર્થન આપ્યું છે. જેમાં નગરપાલિકાના પ્રમુખ તરીકે કૌશિક વાઘેલાની વરણી કરવામાં આવી છે. આમ હર્ષદ રિબડિયાના ગઢમાં ગાબડુ જોવા મળ્યું છે.
પગલે ખેડબ્રહ્મા નગરપાલિકામાં કોંગ્રેસની જીત થઇ છે. જેમાં અગાઉ ભાજપનું શાસન હતું. સાબરકાંઠામાં ત્રણ પાલિકામાંથી બે ભાજપ અને એક કોંગ્રેસ પાસે છે. આમ ભાજપના સભ્યએ બળવો કરતાં કોંગ્રેસને સતા મળી છે.