સુરત: આજરોજ સુરત કોર્ટમાં હાજરી આપતી સમયે હાર્દિક પટેલે નિવેદન આપ્યું છે. હાર્દિક કહ્યું કે પાસની નવી કમિટી અંગે મને કોઇ માહિતી નથી. સારૂ કામ થતુ હશે તો સમર્થન આપીશ. રાજય સરકાર પાસે મોદીના સી પ્લેન ઉડાવા માટે પાણી હતું અને હવે ઉનાળામાં લોકો માટે પાણી નથી.બીજી તરફ ફેસબુકના ડેટા હેક મામલે PM પર નિશાન સાધ્યુ છે. ખોટા ડેટાના આધારે ચૂંટણીઓ લડાઇ છે.
હાર્દિક પટેલે વધુમાં જણાવ્યું હતું કે બરોડા રાજકોટની અંદર પાણીની વધારે તંગી છે. લોકોને પાણી મળવું ખૂબ અઘરું થઇ રહ્યું છે. ત્યારે સી પ્લેનને લઇને કીધું કે ચૂંટણી સમયે જ્યારે સી પ્લેન ઉડાવવાનું હતું ત્યારે મધ્યપ્રદેશ સરકારે ગુજરાતની સરકારને ખૂબ જ પાણી આપ્યું હતું. ત્યારે હવે ખરેખર પાણીની જરૂર છે ત્યારે મધ્યપ્રદેશ સરકારે ના પાડી દીધી છે.