અલર્ટ / ઝડફિયાની હત્યાના ષડયંત્ર મુદ્દે વધુ એક મોટો ખુલાસો થતાં ખળભળાટ, જાણો ક્યાંથી સોપારી અપાઈ હતી

• ગોરધન ઝડફિયાના હત્યાના પ્રયાસના ષડયંત્ર મુદ્દે નવો ખુલાસો
• સેન્ટ્રલ IBના મેસેજમાં `મહેમાન' શબ્દનો પ્રયોગ કરવામાં આવ્યો હતો
• શાર્પ શુટર ઈલયાસ પાસે બીજો વ્યકિત આવવાનો હતો

ભાજપના નેતા ગોરધન ઝડફિયાની હત્યાનું ષડયંત્ર ATSએ નિષ્ફળ બનાવ્યું છે. ATSએ એક શાર્પશુટરની ધરપકડ કરી છે. આરોપી ઇરફાન ઇલયસ શેખ ઉર્ફે કાલિયાની પૂછપરછ શરૂ કરવામાં આવી છે. ATSના DIG દ્વારા પૂછપરછ કરવામાં આવી રહી છે. આરોપી ઈરફાન શેખ મુળ મુંબઇના ચેમ્બુરનો રહેવાસી છે. એક અઠવાડિયાથી આરોપીઓ ગુજરાતમાં હતા. ગઇકાલે ભાજપ કમલમની શાર્પશુટરે રેકી કરી હતી. સૂત્રોના જણાવ્યા અનુસાર ભાજપ પ્રદેશ પ્રમુખની સૌરાષ્ટ્ર રેલી શાર્પશુટરના નિશાના પર હોવાની માહિતી છે.

શું કોડવર્ડ હતો શાપશૂટરનો? 

"મહેમાન" બનીને એટીએસની ટીમ શાર્પ શુટર પાસે પહોંચી હતી. સેન્ટ્રલ આઇબીના મેસજમાં "મહેમાન" શબ્દનો પ્રયોગ હતો. શાર્પ શુટર ઇલિયાસ શેખ પાસે બીજો વ્યક્તિ આવવાનો હતો. મહેમાનના કોર્ડ વર્ડથી શેખે દરવાજો ખોલવાનો હતો. એટીએસના અધિકારીએ મહેમાન શબ્દ વાપરીનો દરવાજો ખોલાવ્યો.ડીવાયએસપી ભાવેશ રોઝિયાએ શાર્પ શુટર શખેનો કબજો લીધો હતો. શેખે પોતાની કમર પર છુપાવેલી પિસ્તોલથી ફાયરિંગ કર્યું હતુ. 

પાકિસ્તાનથી અપાઈ હતી સોપારી

ભાજપના નેતા ગોરધન ઝડફિયાની હત્યાનું ષડયંત્ર ATSએ નિષ્ફળ બનાવ્યું છે. ATSએ એક આરોપીની ધરપકડ કરી છે. ઝડપાયેલા આરોપી મોહમ્મદ રફીકે મોટો ખુલાસો કરતા કહ્યું હતું કે પાકિસ્તાનથી હત્યાની સોપારી આપવામાં આવી હતી. ભાજપના નેતા ગોરધન ઝડફિયાની હત્યા કરવાનું ષડયંત્ર હતું

વિનસ હોટલના CCTV સામે આવ્યા

ભાજપના નેતા ગોરધન ઝડફિયાની હત્યાનું ષડયંત્ર ATSએ નિષ્ફળ બનાવ્યું છે. જે હોટલમાં આરોપી રોકાયો હતો તે હોટલ પર પોલીસે તપાસ કરી તે સમયના CCTV સામે આવ્યા છે. રિલીફ રોડ પર આવેલી વિનસ હોટલના CCTV સામે આવ્યા છે. વિનસ હોટલમાં શાર્પશુટર રોકાયો હતો. બાતમીના આધારે ATSએ તપાસ હાથ ધરી હતી.

કોણ છે શુટર? 

ATS અને કાઈમ બ્રાંચ ટીમ પર ફાયરીગ કરનાર મુંબઇનો શાર્પ શૂટર રીલીફરોડ પાસે આવેલ વિનસ હોટલના 105 નંબરના રૂમમાં રોકાયો હતો. શાર્પ શૂટરે હોટલમાં મોહમ્મદ રફીફ નામનું આધાર કાર્ડ કોપી આપી હતી. મંગળવારે સવારે ના 10 વાગ્યે હોટલમાં રોકવા આવ્યો હતો. 

ગોરધન ઝડફિયાની હત્યાના ષડયંત્રના મામલે વધુ એક મોટો ખુલાસો થયો હતો. શાર્પ શૂટરના નિશાને ભાજપની આજની સૌરાષ્ટ્રની રેલી પણ હતી. આ ઉપરાંત કેટલાંક કોડવર્ડનો પણ ઉપયોગ કરવામાં આવ્યો હતો. @GujaratPolice @CMOGuj @vijayrupanibjp @BJP4Gujarat @CRPaatil #GordhanZadafia pic.twitter.com/qeW0SEmxuZ

— VTV Gujarati News and Beyond (@VtvGujarati) August 19, 2020

શું કહેવું છે હોટેલ સ્ટાફનું?

હોટલમાં પ્રવેશ કર્યો ત્યારે બેગ ચેક કરતા કશું લાવ્યો ન હતો. શાર્પ શૂટર બપોરના સમયે બહાર નીકળ્યો હતો જે બાદ સાંજે પરત આવ્યો ત્યારે બેગમાં હથિયાર  લાવ્યો હોવાનું હોટલના મેનેજર કહેવું છે. ગત રાત્રી 3 વાગ્યે અમદાવાદ એરપોર્ટ થી મુંબઈ જવાનો હોવાનું હોટલ મેનેજર કહ્યું હતું. શાર્પ શૂટર હોટલમાં રોકાયો હતો જેનું ભાડું આપવા રાત્રે તેનો ભાઈ આવનો હોવાનું હોટલના મેનેજર કહ્યું હતું. 

શાર્પ શૂટર હોટલ છોડે એ પહેલાં ATS અને કાઈમ બ્રાંચ જોઈન્ટ ઓપરેશન માં શાર્પ શૂટર પકડી લીધો. બે એસીપી અને એક ડીઆઈજી ઓપરેશન હતા. ત્યારે શાર્પ શૂટરે ATS અને કાઈમ બ્રાંચ ના અધિકારી પર ફાયરિંગ કર્યું હતું. જે ગોળી દીવાલ પર લાગી હતી જેથી કોઈ અધિકારી વાગી ન હતી. હોટલમાં અન્ય એક પોલીસ કર્મી આરામ કરવા રોકાયો હોવાનું હોટલ મેનેજર કહ્યું.