રાજ્યના ગૃહપ્રધાન પ્રદિપસિંહ જાડેજાએ ગોરધન ઝડફિયાની હત્યાના ષડયંત્ર મામલે પત્રકાર પરિષદ યોજી હતી અને સમગ્ર ઘટના તેમજ ષડયંત્રનો કેવી રીતે પર્દાફાસ થયો તે પણ જણાવ્યું હતુ.
રિલીફ રોડ પરની હોટલનો ઘેરો કરી મોડી રાત્રે તપાસ કરી-ગૃહરાજ્યમંત્રી
પ્રદિપસિંહ જાડેજાએ જણાવ્યું હતુ કે, ભાજપના નેતા ગોરધન ઝડફિયાની હત્યાનું ષડયંત્ર નિષ્ફળ કરવામાં આવ્યુ છે. છોટા શકીલ ગેંગના સાગરિતની ધરપકડ કરાઈ છે. ભાજપના નેતા ગોરધન ઝડફિયાની હત્યાનું ષડયંત્ર હતુ. રિલીફ રોડ પરની હોટલનો ઘેરો કરી મોડી રાત્રે તપાસ કરવામાં આવી હતી. એક શંકાસ્પદ વ્યક્તિ લોડેડ રિવોલ્વર સાથે હતો. જેમાં ધરપકડ કરવા જતા શૂટરે ફાયરિંગ કર્યુ હતું. અન્ય 1 વ્યક્તિની પણ શોધખોળ શરૂ કરાઈ છે. ધરપકડ કરેલા શખ્સના મોબાઈલમાંથી ગોરધન ઝડફિયા અંગેની વિગતો મળી.
કોણ છે શુટર?
ATS અને કાઈમ બ્રાંચ ટીમ પર ફાયરીગ કરનાર મુંબઇનો શાર્પ શૂટર રીલીફરોડ પાસે આવેલ વિનસ હોટલના 105 નંબરના રૂમમાં રોકાયો હતો. શાર્પ શૂટરે હોટલમાં મોહમ્મદ રફીફ નામનું આધાર કાર્ડ કોપી આપી હતી. મંગળવારે સવારે ના 10 વાગ્યે હોટલમાં રોકવા આવ્યો હતો.
શું કહેવું છે હોટેલ સ્ટાફનું?
હોટલમાં પ્રવેશ કર્યો ત્યારે બેગ ચેક કરતા કશું લાવ્યો ન હતો. શાર્પ શૂટર બપોરના સમયે બહાર નીકળ્યો હતો જે બાદ સાંજે પરત આવ્યો ત્યારે બેગમાં હથિયાર લાવ્યો હોવાનું હોટલના મેનેજર કહેવું છે. ગત રાત્રી 3 વાગ્યે અમદાવાદ એરપોર્ટ થી મુંબઈ જવાનો હોવાનું હોટલ મેનેજર કહ્યું હતું. શાર્પ શૂટર હોટલમાં રોકાયો હતો જેનું ભાડું આપવા રાત્રે તેનો ભાઈ આવનો હોવાનું હોટલના મેનેજર કહ્યું હતું.
કેવી રીતે પકડાયો શાર્પ શૂટર
શાર્પ શૂટર હોટલ છોડે એ પહેલાં ATS અને કાઈમ બ્રાંચ જોઈન્ટ ઓપરેશન માં શાર્પ શૂટર પકડી લીધો. બે એસીપી અને એક ડીઆઈજી ઓપરેશન હતા. ત્યારે શાર્પ શૂટરે ATS અને કાઈમ બ્રાંચ ના અધિકારી પર ફાયરિંગ કર્યું હતું. જે ગોળી દીવાલ પર લાગી હતી જેથી કોઈ અધિકારી વાગી ન હતી. હોટલમાં અન્ય એક પોલીસ કર્મી આરામ કરવા રોકાયો હોવાનું હોટલ મેનેજર કહ્યું.