Saturday, April 20, 2019

ચૂંટણી / ભાજપે ઉમેદવારોની 21મી યાદી કરી જાહેર, ગોરખપુરથી રવિ કિશનને અપાઇ ટિકિટ

ભાજપે ઉમેદવારોની 21મી યાદી કરી જાહેર, ગોરખપુરથી રવિ કિશનને અપાઇ ટિકિટ

ભાજપે સોમવારનાં રોજ લોકસભા ચૂંટણી માટે વધુ સાત ઉમેદવારોની યાદી જાહેર કરી છે કે જેમાં ભોજપુરી સુપરસ્ટાર રવિ કિશનને ગોરખપુરથી મેદાનમાં ઉતારવામાં આવેલ છે. આ સિવાય પ્રતાપગઢથી પણ સંગમલાલ ગુપ્તા, આંબેડકરનગરથી મુકુટ બિહારી, સંતકબીર નગરથી પ્રવીણ નિશાંત, દેવરિયાથી રમાપતિ રામ ત્રિપાઠી, જૌનપુરથી કેપી સિંહ અને ભદ્રૌહીથી રમેશ બિંદને ટિકિટ આપવામાં આવેલ છે. ધારાસભ્ય રાકેશ બધેલને બૂટથી મારનાર સાંસદ શરદ ત્રિપાઠીની ટિકિટ કાપીને તેની જગ્યાએ સંતકબીર નગરથી પ્રવીણ નિષાદને મોકો આપવામાં આવેલ છે.



 

ગોરખપુર લોકસભા સીટ બીજેપીની પરંપરાગત સીટ માનવામાં આવતી હતી પરંતુ યોગી આદિત્યનાથનાં યૂપીનાં સીએમ બન્યાં બાદ લોકસભાનાં સભ્યપદથી તેઓએ રાજીનામું આપી દીધું હતું. આની 2018માં થયેલ પેટાચૂંટણીમાં બીજેપીએ ઉપેન્દ્ર દત્ત શુક્લાને મેદાનમાં ઉતાર્યા હતાં અને સપાએ પ્રવીણ નિષાદ પર દાવ લગાવ્યો. બસપાનાં સમર્થનથી સપાનાં પ્રવીણ નિષાદે બીજેપીનાં ઉપેન્દ્ર શુક્લાને માત આપીને કબ્જો જમાવવામાં આવ્યો. પરંતુ આ વખતની લોકસભા ચૂંટણીમાં પ્રવીણ નિષાદે સપાનો સાથ છોડીને બીજેપીમાં શામેલ થઇ ગયાં છે. પરંતુ પાર્ટીએ તેઓને ગોરખપુર સીટને બદલે સંતકબીર નગરથી ઉમેદવાર બનાવેલ છે.

 
Ravi Kishan BJP modi amit shah Lok Sabha constituency uttar pradesh Gorakhpur ticket

જોવા જેવું વધુ જુઓ

બ્રેકિંગ ન્યૂઝ