સ્વામી પ્રસાદ મૌર્યના રાજીનામા બાદ ભાજપને વધુ એક મોટો ઝટકો લાગ્યો છે.BJPના વધુ એક વરિષ્ઠ નેતા અને વર્તમાન MLAએ પાર્ટી છોડી દીધી છે.
UPની ચૂંટણી પહેલા BJPને ઝટકા પર ઝટકા મળવાની પ્રક્રિયા યથાવત
સ્વામી પ્રસાદ મૌર્ય બાદ ભાજપને વધુ એક મોટો ઝટકો લાગ્યો
BJPના વધુ એક વરિષ્ઠ નેતા અને વર્તમાન MLAએ પાર્ટી છોડી
UPની ચૂંટણી પહેલા BJPને ઝટકા પર ઝટકા મળવાની પ્રક્રિયા યથાવત
ઉત્તર પ્રદેશ વિધાનસભા ચૂંટણી પહેલા ભારતીય જનતા પાર્ટીને ઝટકો મળવાની પ્રક્રિયા ચાલુ છે. સ્વામી પ્રસાદ મૌર્યના રાજીનામા બાદ ભાજપને વધુ એક મોટો ઝટકો લાગ્યો છે. ભાજપના અન્ય એક વરિષ્ઠ નેતા અને વર્તમાન ધારાસભ્યએ પાર્ટી છોડી દીધી છે. પૂર્વ સાંસદ અને વરિષ્ઠ નેતા અવતાર સિંહ ભડાના જયંત ચૌધરીની પાર્ટી રાષ્ટ્રીય લોકદળ એટલે કે આરએલડીમાં સામેલ થઈ ગયા છે.
RLD ચીફ જયંત ચૌધરીએ ખુદ ટ્વીટ કરીને આની જાણકારી આપી છે.
બુધવારે સવારે RLD ચીફ જયંત ચૌધરીએ અવતાર સિંહ ભડાનાનું પાર્ટીમાં સ્વાગત કર્યું. અવતાર સિંહ ભડાના મુઝફ્ફરનગરના મીરપુરના ધારાસભ્ય છે. 2017માં તેઓ ભાજપની ટિકિટ પર ચૂંટણી લડ્યા અને ધારાસભ્ય બન્યા.પરંતુ 2019ની લોકસભા ચૂંટણીમાં તેમણે કોંગ્રેસની ટિકિટ પર લોકસભાની ચૂંટણી લડી હતી, જેમાં તેમનો પરાજય થયો હતો. જો કે, તેમણે વિધાનસભામાંથી રાજીનામું આપ્યું ન હતું કે તેમનું સભ્યપદ રદ કરવામાં આવ્યું ન હતું. જેના કારણે અવતારસિંહ ભડાણાની ગણતરી ભાજપના ધારાસભ્ય તરીકે કરવામાં આવી છે. કહેવામાં આવી રહ્યું છે કે 2019ની લોકસભા ચૂંટણી બાદ તેઓ પાર્ટી છોડવાની તૈયારી કરી રહ્યા હતા.
અમિત સિંહ ભડાના ફરીદાબાદથી લોકસભા સાંસદ પણ રહી ચૂક્યા છે.
તેઓ RLD પહેલા ભાજપ અને કોંગ્રેસમાં પણ હતા. તેઓ ચાર વખત સાંસદ રહી ચૂક્યા છે અને મેરઠથી ચૂંટણી પણ જીત્યા છે. તમને જણાવી દઈએ કે બીજેપીમાં સ્વામી પ્રસાદના રાજીનામા બાદ ગઈ કાલે અન્ય ત્રણ ધારાસભ્યોએ પાર્ટી છોડી દીધી હતી. ત્યારથી ભાજપ ડેમેજ કંટ્રોલમાં લાગેલું છે.