મહાબેઠક / દિલ્હીમાં યોજાશે ભાજપની મહાબેઠક, 300 નેતા રહેશે હાજર, જાણો શું છે આ મીટીંગનો ઉદ્દેશ

• દિલ્હીમાં યોજાશે ભાજપની મોટી બઠેક 
• બેઠકમાં 300 નેતા ઓનલાઈન ઓફલાઈન રહેશે હાજર 
• સવારે 9.30 થી 4.30 સુધી યોજાશે બેઠક 

દિલ્હીના NDMC કન્વેંશન સેન્ટરમાં ભાજપની મોટી બેઠક થવાની છે. અગામી ચૂંટણીઓ પહેલાજ આ બેઠકને ઘણી મહત્વની માનવામાં આવી રહી છે. એવી ચર્ચાએ જોર પકડ્યું છે કે આ બેઠકમાં ભાજપ પોતાની ચૂંટણીની રણનીતી પર વિસ્તાર પૂર્વક ચર્ચા કરશે. 

બેઠકમાં 300 નેતા રહેશે હાજર 

દિવાળી પછી 7 તારીખે સવારે 9.30 વાગ્યે આ બેઠક શરૂ કરવામાં આવશે અને સાંજે 4.30 વાગ્યા સુધી આ બેઠક ચાલવાની છે. આ બેઠકની શરૂઆત પાર્ટી અધ્યક્ષ જેપી નડ્ડાના ભાષણથી કરવામાં આવશે અને તેમના ભાષણ બાદ વડાપ્રધાન નરેદ્ર મોદી લોકોને સંબોધન આપશે. આપને જણાવી દઈએ કે બેઠકમાં ભાજપના 300 નેતા હાજર રહેવાના છે. 

બેઠકમાં નેતાઓ ઓનલાઈન પણ હાજર રહેશે 

દેરક રાજ્યના અધ્યક્ષ, સંગઠન મંત્રી અને રાષ્ટ્રીય કાર્યકારણી પણ વીડિયો કોન્ફરનસ્થી આ બેઠકમાં જોડાવાનમા છે. બેઠકમાં અમુક લોકો ઓનલાઈન હાજર રહેવાના છે.તો અમુક લોકો ઓફલાઈન પણ હાજર રહેવાના છે. 

ચૂંટણીની તૈયારીઓને લઈને થશે ચર્ચા 

આ બેઠકનો મુખ્ય ઉદ્દેશ ચૂંટણીની તૈયારીઓને લઈને છે. પાર્ટી અધ્યક્ષના ભાષણ બાદ આગામી વિધાનસભા ચૂંટણીઓને લઈને જે તૈયારીઓ કરવામાં આવી રહી છે. તેને લઈને ચર્ચા કરવામાં આવશે. સાથેજ એક પ્રસ્તાવ મુકવામાં આવશે. જેમા તમામ રાજકીય મુદ્દાઓને શામેલ કરવામાં આવશે. આ પ્રસ્તાવમાં ખેડૂતોનો મુદ્દો અને કોરોના જેવા મુદ્દાઓને પણ શામેલ કરવામાં આવશે. 

પૂરજોશમાં ચાલી રહી છે વિધાનસભા ચૂંટણીની તૈયારી 

ઉલ્લેખનીય છે કે ઉત્તરપ્રદેશ, ગોવા, પંજાબ, મણિપુર અને ઉત્તરાખંડમાં વિધાનસભા ચૂંટણીઓ થવાની છે. જેને લઈે ભાજપ પૂરજોશમાં તૈયારી કરી રહ્યું છે. ભાજપ કાર્યકરો દ્વારા પણ સંમેલન કરીને સરકારે કરેલા કામ જનતાને જણાવી રહ્યા છે. ત્યારે હવે 7 નવેમ્બરના રોજ જે બેઠક યોજાવાની છે. તેને ઘણી મહત્વની માનવામાં આવી રહી છે.