ભાજપના નેતૃત્વએ પોતાના મિશન પશ્ચિમ બંગાળના માટે જાન્યુઆરીમાં કાર્ય યોજનાને અંતિમ રૂપ આપવાનું શરૂ કર્યું છે. પાર્ટી આ મહિને 2 પ્રમુખ દિવસો વિવેકાનંદ જયંતિ અ્ને સુભાષ ચંદ્ર બોઝ જયંતિ પર અનેક મોટા કાર્યક્રમ કરશે. આ સમયે તેઓ બંગાળને રાષ્ટ્રીય જાગરણ અને તેની રાષ્ટ્રીય અને આંતરરાષ્ટ્રિય ભૂમિકા સાથે જોડીને પોતાની સ્થિતિને મજબૂત કરશે.
મમતા સરકારને ઘેરવોનો ભાજપનો ખાસ પ્લાન
પશ્ચિમ બંગાળમાં મમતા સરકાર સંકટમાં
જાન્યુઆરીમાં આ રહેશે ભાજપનો પ્લાન
ડિસેમ્બર મહિનામાં પશ્ચિમ બંગાળમાં ભાજપ અને તૃણમૂલ કોંગ્રેસની વચ્ચે રાજનીતિ ચરમસીમાએ રહી હતી. ભાજપના પાર્ટી અધ્યક્ષ જેપી નડ્ડા અને ગૃહમંત્રી અમિત શાહે મુલાકાત દરમિયાન રાજ્યની રાજનીતિમાં તૃણમૂળ કોંગ્રેસની મુશ્કેલીઓ વધારી છે. અમિત શાહના પ્રવાસમાં તો 9 ધારાસભ્યો અને 1 સાંસદે ભાજપમાં પ્રવેશ પણ કરી લીધો છે. આ સમયે પલટવાર કરતાં ટીએમસીના નેતા અને મુખ્યમંત્રી મમતા બેનર્જીએ એ જગ્યાઓની મુલાકાત લીધી જ્યાં જ્યાં ભાજપના નેતાઓ ગયા હતા. આ જાન્યુઆરીમાં ભાજપ અને ટીએમસી વચ્ચે કાંટાની ટક્કર રહેશે.
ભાજપ 12 અને 23 જાન્યુઆરીએ કરશે મોટા કાર્યક્રમ
જ્યાં તૃણમૂલ કોંગ્રેસ ક્ષેત્રીય અસ્મિતા, બંગાળની ધરોહરને લઈને આગળ વધી રહી છે ત્યાં ભાજપ પોતે શ્યામા પ્રસાદ મુખર્જીની પાર્ટી જણાવીને રાષ્ટ્રિય ફલક પર બંગાળીની ભૂમિકાથી પોતાને જોડી રહી છે. મળતી માહિતી અનુસાર ભાજપ આ મહિને 12 જાન્યુઆરીએ વિવેકાનંદ જયંતિ અને 23 જાન્યુઆરીએ સુભાષ ચંદ્ર બોઝની જયંતિ પર રાજ્યના અનેક ભાગોમાં અનેક કાર્યક્રમો કરશે.
ભાજપ બંગાળને રાષ્ટ્રિય અને વૈશ્વિક સંદર્ભ સાથે જોડશે
વિવેકાનંદ અને સુભાષ ચંદ્ર બોઝની ભૂમિકા રાષ્ટ્રિય ફલકથી લઈને આંતરરાષ્ટ્રિય ફલક સુધી રહી છે. ભાજપ તેની મદદથી બંગાળને ક્ષેત્રીય ભૂમિકાને બદલે રાષ્ટ્રિય અને વૈશ્વિક સંદર્ભ સાથે જોડશે. તેની મદદથી ભાજપ રાજ્યમાં પોતાનો પગપેસારો મજબૂત કરશે અને તૃણમૂલ કોંગ્રેસની ક્ષેત્રીય રાજનીતિની ભૂમિકાને સીમિત કરવાની કોશિશ પણ કરશે.