મુકેશ ગોયલે ભાજપ વિરુદ્ધ માનહાનિનો કેસ કરવાની વાત કરી કહ્યું, જાહેર થયેલો વીડિયો જૂનો છે, હું ત્યારે આમ આદમી પાર્ટીનો સભ્ય નહોતો
ભાજપે AAP પર ભ્રષ્ટાચારના આરોપ સાથે વિડીયો જાહેર કર્યો
ભાજપે AAP નેતા મુકેશ ગોયલનો એક સ્ટિંગ વીડિયો બહાર પાડ્યો
AAP નેતા મુકેશ ગોયલે ભાજપના આ આરોપોને ખોટા ગણાવ્યા
ભારતીય જનતા પાર્ટીએ આજે આમ આદમી પાર્ટી પર ભ્રષ્ટાચારનો આરોપ લગાવતા તેના નેતા મુકેશ ગોયલનો એક સ્ટિંગ વીડિયો બહાર પાડ્યો છે. વીડિયો જાહેર કરતા ભાજપે કહ્યું કે, આ પાર્ટીમાં 'ઠગને છેતરવાની' ક્ષમતા છે. મુકેશ ગોયલે MCD ચૂંટણી માટે આમ આદમી પાર્ટીની ટિકિટ વિતરણમાં સૌથી મહત્વની ભૂમિકા ભજવી છે.
AAP નેતા મુકેશ ગોયલે ભાજપના આ આરોપોને ખોટા ગણાવ્યા છે. મુકેશ ગોયલે વળતો પ્રહાર કરતા કહ્યું, 'જાહેર થયેલો વીડિયો જૂનો છે, હું ત્યારે આમ આદમી પાર્ટીનો સભ્ય નહોતો.' આ વીડિયોને નકલી ગણાવતા મુકેશ ગોયલે ભાજપ વિરુદ્ધ માનહાનિનો કેસ કરવાની વાત પણ કરી હતી.
આ સાથે ભાજપ પર પ્રહાર કરતા મુકેશ ગોયલે કહ્યું કે, તે પોતાનું માનસિક સંતુલન ગુમાવી ચુક્યું છે. નગરપાલિકાની ચૂંટણીમાં ભાજપ ખરાબ રીતે હારી રહ્યું છે. એટલા માટે તે હારના ડરથી આપના નેતાઓની છબી ખરાબ કરવામાં લાગેલી છે. ભાજપ જે રેકોર્ડિંગની વાત કરી રહ્યું છે તે સંપૂર્ણ રીતે નકલી છે.
AAP નેતા મુકેશ ગોયલે કહ્યું, 'ભાજપે MCDમાં 15 વર્ષથી ભ્રષ્ટાચાર કર્યો છે. એટલા માટે તેઓ અમારા નેતાઓ વિરુદ્ધ આવું વાતાવરણ બનાવવાનો પ્રયાસ કરી રહ્યા છે. જ્યારે પૂછવામાં આવ્યું કે, આમ આદમી પાર્ટીએ તેમને વોર્ડ નંબર 15, આદર્શ નગરથી પોતાનો ઉમેદવાર બનાવ્યો છે, તો મુકેશ ગોયલે કહ્યું કે, પાર્ટીએ તેમને પોતાનો ઉમેદવાર બનાવ્યો છે અને તેઓ છેલ્લા 25 વર્ષથી કોર્પોરેટર છે. તેમના પર લાગેલા આરોપો પર ગોયલે કહ્યું કે જો તેઓ આ પ્રકારના ભ્રષ્ટાચારમાં સંડોવાયેલા હોત તો કોઈપણ પાર્ટીએ તેમને છઠ્ઠી વખત ઉમેદવાર બનાવ્યા ન હોત. ભાજપ જાણે છે કે મુકેશ ગોયલ છઠ્ઠી વખત AAPની ટિકિટ પર જીતવાના છે, તેથી ભાજપ તેમની છબી ખરાબ કરવાનો પ્રયાસ કરી રહી છે.
માનહાનિનો દાવો કરીશું: મુકેશ ગોયલે
મુકેશ ગોયલે ભાજપ સામે માનહાનિનો દાવો કરવાની વાત કરી હતી. તેમણે કહ્યું કે જે સમયે આ વિડીયો જણાવવામાં આવી રહ્યો છે તે સમયે તે આમ આદમી પાર્ટીનો સભ્ય નહોતા. વિડીયોનો હેતુ માત્ર તેમની ઈમેજ ખરાબ કરવાનો છે. વીડિયોમાં વાદળી શર્ટ પહેરેલા દેખાતા વ્યક્તિને તે ઓળખતા નથી. તેમણે કહ્યું કે, જે જગ્યાએ વીડિયો સામે આવી રહ્યો છે, તે એક વર્ષ પહેલા જ ઓફિસ છોડી ગયો હતો.