દિલ્હી ચૂંટણી / EXCLUSIVE : ઍક્ઝિટ પોલ બાદ મનોજ તિવારીનું મોટું નિવેદન, કહ્યું.. તો પછી EVMને દોષ ન આપતા

• ભાજપ નેતા મનોજ તિવારીની VTV સાથે ખાસ વાતચીત
• તમામ એગ્ઝિટ પોલ ખોટા સાબિત થશેઃ મનોજ તિવારી
• ભાજપ 48 બેઠક સાથે સ્પષ્ટ બહુમતી મેળવશેઃ મનોજ 

ચૂંટણીના પરિણામ પહેલા પહેલાં દિલ્હી વિધાનસભાની ચૂંટણી માટે એગ્ઝિટ પોલ સામે આવ્યા છે. જેમાં હાલ તો અરવિંદ કેજરીવાલની આમ આદમી પાર્ટીને સ્પષ્ટ બહુમતી મળતી જોવા મળી રહી છે. ત્યારે આ અંગે VTV સાથે દિલ્હી ભાજપના અધ્યક્ષ મનોજ તિવારીએ ખાસ વાતચીત કરી હતી.

દિલ્હી વિધાનસભા ચૂંટણી મતદાન પૂર્ણ થતા ભાજપ નેતા મનોજ તિવારીએ કહ્યું કે, તમામ એગ્ઝિટ પોલ ખોટા સાબિત થશે. ભાજપ 48 બેઠક સાથે સ્પષ્ટ બહુમતી મેળવશે. પરિણામ બાદ કોઇ EVMને દોષ ન આપે. હું ગ્રાઉન્ડની રિયાલીટી જાણુ છું. હું દિલ્હીની જનતાને સારી રીતે જાણું છું. તિવારીએ કહ્યું કે, દિલ્હીમાં ભાજપ 48 પ્લસ બેઠકો સાથે સરકાર બનાવશે. 48+, 55, 56 કે 60 સુધી પહોંચી જાય તો EVMને દોષ ન આપતા.